Рӯзи сеюми сафари Эмомалӣ Раҳмон дар Суғд: раисиҷумҳур аз чӣ оғоз кард?

© дафтари матбуоти раисиҷумҳури ТоҷикистонЭмомалӣ Раҳмон, раисиҷумҳури Тоҷикистон дар шаҳри Гулистон парчами давлатӣ барафрохт
Эмомалӣ Раҳмон, раисиҷумҳури Тоҷикистон дар шаҳри Гулистон парчами давлатӣ барафрохт - Sputnik Тоҷикистон
Обуна шудан
Эмомалӣ Раҳмон, раисиҷумҳури Тоҷикистон рӯзи сеюми сафари корияшро дар вилояти Суғд бо ифтитоҳи майдони Парчам ва Нишони давлатӣ дар ноҳияи Спитамен оғоз кард

ДУШАНБЕ, 1 апр — Sputnik. Тибқи иттилои дафтари матбуоти раисиҷумҳури Тоҷикистон, баландии пояи Парчами давлатӣ дар Спитамен 50 метрро ташкил дода, дарозии матои он ба 14 ва паҳноияш ба 7 метр баробар аст.

Давлатшоҳ Гулмаҳмадзода, раиси Кумитаи ҳифзи муҳити зисти назди Ҳукумати Ҷумҳурии Тоҷикистон - Sputnik Тоҷикистон
Қатъи пеш аз муҳлати ваколатҳои Давлатшоҳ Гулмаҳмадзода

“Нишони давлатӣ дар баландии 25 метр қомат афрохтааст ва ин ду муқаддасоти миллӣ басо диққатҷалбкунанда ба назар мерасанд. Дар мобайни Парчам ва Нишони давлатӣ 6 фаввора бунёд гардидаанд, ки ҳар кадоми он бо усули муосир оро ёфтааст”, - омадааст дар иттилоияи котиботи раисиҷумҳур.

Инчунин Эмомалӣ Раҳмон имрӯз дар ноҳияи мазкур бинои нави Китобхона, осорхонаи “Курушкада”-и таърихӣ ва мактаби мусиқии бачагонаи рақами 2-ро бо бардоштани парда аз лавҳаи рамзӣ ифтитоҳ намуд.

Ба иттилои дафтари матбуоти раисиҷумҳури Тоҷикистон, бинои китобхона, осорхонаи таърихӣ ва мактаби мусиқии бачагона дар ноҳияи Спитамен дар масоҳати 1,2 га дар маркази ноҳия қомат афрохта, масоҳати умумии сохтмон 540 метри мураббаъро ташкил медиҳад.

Председатель Совета улемов Исламского центра Таджикистана Саидмукаррам Абдукодирзода, архивное фото - Sputnik Тоҷикистон
Муроҷиатнома ба тоҷикистониён: 7 ҷои манъи намозхонӣ ва шарти соқит шудани намози ҷумъа

Манбаъ афзуд, дар ошёнаи якум китобхона, дар дуюм осорхона ва дар ошёнаи сеюм мактаби мусиқии бачагона ҷойгир мебошад.

Эмомалӣ Раҳмон ба китобхонаи навбунёд 400 адад адабиёти тозанашри адибони тоҷик ва ба мактаби мусиқии бачагонаи рақами 2-и ноҳияи Спитамен 40 адад асбобҳои мусиқии гуногуни миллиро тақдим кард.

Раисиҷумҳур зимни суханронияш дар назди ҳозирин аз аҳли фарҳанг, омӯзгорон ва масъулин даъват кардааст, ки бо фароҳам овардани чунин шароити васеъи корӣ ва муосир дар тарбияи насли ояндасози кишвар масъулияти бештар зоҳир намуда, барои ояндаи дурахшони Ватан ҷавонони боистеъдоду мутахассисони сатҳи ҷаҳониро тарбия намоянд.

Лентаи хабарҳо
0