22:50 24 апрели 2019
Пахши мустақим
  • USD9.44
  • EUR10.58
  • RUB0.15
Маҳмадсаид Убайдуллоев, раиси Маҷлиси миллии Тоҷикистон, акс аз бойгонӣ

Нигаронии Убайдуллоев аз афзоиши фасодкории мақомдорон ва эродаш аз Юсуф Раҳмон

© Государственная Дума Федерального Собрания РФ
Дар Тоҷикистон
Гирифтани линки кӯтоҳ
4797 0 0

Маҳмадсаид Убайдуллоев, раиси Маҷлиси миллии Тоҷикистон мегӯяд, фасодкорӣ дар кишвар майли афзоиш дорад ва ягон минтақа дар ин бахш истисно нест

ДУШАНБЕ, 7 апр — Sputnik. Убайдуллоев дар хитоб ба Юсуф Раҳмон, додситони кулли Тоҷикистон гуфт, дар самти мубориза бо амалҳои коррупсионӣ ва сабабу омилҳои ба он мусоидаткунанда назорати прокурорӣ қаноатбахш намебошад.

Раиси Маҷлиси миллӣ ҳафтаи гузашта дар ҷаласаи палатаи болоии парлумон бо такя ба омори Ожонси зидди фасод гуфт, ҳуқуқвайронкуниҳое, ки ба амалҳои коррупсионӣ вобастагӣ доранд, назар ба як соли пеш 12 фоиз зиёд шудааст, ки боиси ташвишу нигаронист.  Убайдуллоев изҳороти Эмомалӣ Раҳмон, раисиҷумҳури Тоҷикистонро зикр кард, ки пайваста таъкид мекунад, “хизматчии давлатӣ бояд дасту дили пок дошта бошад, ба моликияти давлат бо чашми бад нанигарад, ба амалҳои коррупсионӣ даст назанад”.

Раиси Маҷлиси миллӣ бо таассуф изҳор дошт, ки фасодкории мақомдорони давлатӣ рӯй ба афзоиш аст.

“Мутаассифона, амалҳои коррупсионӣ дар мақомоти давлатӣ кам нашуда, рӯ ба афзоиш доранд ва ягон минтақаи ҷумҳурӣ аз он истисно нест”, - изҳор дошт Убайдуллоев.

Ӯ дар идома аз Юсуф Раҳмон эрод гирифт, ки дар ҳисоботаш ба Маҷлиси милллӣ, аз хусуси чораҳои мушаххаси нисбат ба ин гуна шахсон маълумот оварда нашудааст.

Дар умум Убайдуллоев таъкид намудааст, ки дар фаъолияти мақомоти прокуратура пешравӣ ҳаст, вале лозим аст, ки дастовардҳоро аз нигоҳи танқидӣ андоза кунем.

“Инчунин, зарур аст фаъолияти хешро бознигарӣ намоем, аз он хулосаи дурусту оқилона барорем. Дарку фаҳмиши қонун ва моҳияти он ҳар кадоми моро уҳдадор менамояд, ки вазифаҳои хешро бо масъулияти баланди ватандӯстӣ ба ҷо оварда, дар шукуфоии Ватани азизамон саҳми муносиб гузорем”, - изҳор доштааст Убайдуллоев, ки матни суханронияшро нашрияи парлумонии “Садои мардум” чоп кардааст.

Мавзӯъҳои асосӣ