00:42 23 майи 2019
Пахши мустақим
  • USD9.44
  • EUR10.55
  • RUB0.15
Последствия схода селевого потока

Обуҳавошиносон аз эҳтимоли сел ва боридани борони шадид дар Тоҷикистон ҳушдор доданд

© Sputnik / Анатолий Устиненко
Дар Тоҷикистон
Гирифтани линки кӯтоҳ
521 0 0

Имрӯз дар ҷумҳурӣ ҳаво абрнок буда, боридани боронҳои пуршиддат дар назар аст

ДУШАНБЕ, 24 апр - Sputnik. Бино бар иттилои Ожонсии обуҳавошиносии Тоҷикистон имрӯз ҳаво дар  пойтахти кишвар абрнок шуда,  боронҳои шиддатнок меборад.  Дар  баъзе ҳолатҳо  борон пуршиддат борида, раъду барқ ба амал меояд. Ҳаво  шабона ва рӯзона 11-13   дараҷа гарм мешавад.

Дар шаҳру ноҳияҳои тобеи марказ низ ҳаво абрнок шуда, боронҳои  шиддатнок меборанд. Дар  баъзе ноҳияҳо борони  пуршиддат  борида, дар баландиҳои зиёда аз 2 ҳазору 500 метр барф меборад.  Раъду  барқ ба амал омада, боридани жола низ дар назар аст. Ҳаво  дар водиҳо шабона ва рўзона 9-14  дараҷа гарм мешавад.  Дар  ноҳияҳои кўҳӣ ҳаво шабона ва  рўзона 6-11  дараҷа гарм мешавад.

Дар Вилояти Мухтори Кӯҳистони Бадахшон ҳавои абрнок шуда, дар ғарби вилоят борон меборад. Дар  шарқи вилоят боридани борон ва барф дар назар аст. Ҳаво дар ғарби вилоят  шабона 5-10 ва  рӯзона 11-16  дараҷа гарм  мешавад. Дар шарқи вилоят  ҳаво   шабона  аз 3 дараҷа хунук то 2 дараҷа гарм шуда, рӯзона  8-13 дараҷа гармӣ дар назар аст.

Дар вилояти Суғд    ҳавои абрнок шуда, борони шиддатнок меборад. Ба амал омадани сел дар назар аст. Дар   баландиҳои зиёда аз 2 ҳазору 500 метр  барф  меборад. Шамол аз самти ғарб бо суръати 3-8 ва дар ноҳияҳои алоҳида бо шиддати то 19-24 метр дар як сония  мевазад. Ҳаво  дар водиҳо шабона ва  рӯзона 9-14 дараҷа гарм  мешавад. Дар  ноҳияҳои кӯҳӣ  ҳаво шабона ва  рӯзона  3-8  дараҷа гарм мешавад.

Дар вилояти Хатлон ҳавои абрнок шуда, борони шиддатнок меборад. Дар  баъзе ноҳияҳо борон шиддат гирифта, раъду барқ ба амал меояд.  Боридани  жола низ  дар назар аст. Ҳаво дар водиҳо шабона ва рӯзона 10-15 дараҷа гарм мешавад.  Дар доманакӯҳҳо ҳаво шабона  ва   рӯзона 7-12   дараҷа гарм  мешавад.

Барчаспҳо:
раъду барқ, сангрезиш, сел, борон, боридани борону барф, обу ҳаво, Тоҷикистон

Мавзӯъҳои асосӣ