19:37 22 июли 2019
Пахши мустақим
  • USD9.44
  • EUR10.59
  • RUB0.15
Министр обороны РФ Сергей Шойгу, архивное фото

Чаро Шойгу ба Тоҷикистон меояд?

© Фото : Пресс-служба Минобороны РФ
Дар Тоҷикистон
Гирифтани линки кӯтоҳ
91120

Интизор меравад Сергей Шойгу, вазири дифои Русия зимни сафараш ба Тоҷикистон бо Эмомалӣ Раҳмон, раисҷумҳури Тоҷикистон дидору гуфтугӯ намояд

ДУШАНБЕ, 15 мая — Sputnik.  Сергей Шойгу, вазири дифои Русия ба Тоҷикистон сафари корӣ анҷом хоҳад дод, иттилоъ додааст хабаргузории ТоҷикТА.

“Сафари вазири дифои Русия дар охири моҳи май сурат мегирад”, таъкид намудааст манбаъ.

Қарор аст, Сергей Шойгу зимни сафари кориаш ба Тоҷикистон бо Эмомалӣ Раҳмон, раисҷумҳури кишвар дидору гуфтугӯ кунад.

Инчунин, вазири дифои Русия тасмим дорад бо ҳамтои тоҷикаш Шерали Мирзо низ мулоқот намояд.

Зимни дидору гуфтугӯҳо бо мақомоти Тоҷикистон масъалаи рушди ҳамкорӣ дар соҳаи низомии ду кишвар баррасӣ хоҳад шуд.  

Сергей Шойгу зимни сафари кориаш ба Душанбе ҳамчунин аз пойгоҳи низомии 201-уми кишвар дар Тоҷикистон дидан хоҳад кард.

Барчаспҳо:
Эмомалӣ Раҳмон, мулоқот, дидору вохӯрӣ, душанбе, Сергей Шойгу, Русия, Тоҷикистон

Мавзӯъҳои асосӣ