Беҷазоӣ фасодкоронро дар Ҳукумат зиёд кард: Кодекси ҷиноӣ тағйир меёбад

© дафтари матбуоти раисиҷумҳури ТоҷикистонҶаласаи Ҳукумати Тоҷикистон, рӯзи 30 августи соли 2018
Ҷаласаи Ҳукумати Тоҷикистон, рӯзи 30 августи соли 2018 - Sputnik Тоҷикистон
Обуна шудан
Ҳукумати Тоҷикистон лоиҳаи тағйиру иловаҳо ба Кодекси ҷиноии кишварро таҳия дорад, ки алайҳи масъулини фасодкор равона шудааст

ДУШАНБЕ, 15 май — Sputnik. Эмомалӣ Раҳмон, раисиҷумҳури Тоҷикистон Рустам Шоҳмурод, вазири адлия, Юсуф Раҳмон, додситони кул ва масъулини дигари бахши ҳуқуқиро муваззаф кард, ки ба Кодекси ҷиноӣ тағйиру иловаҳо ворид кунанд. Ба гуфтаи Эмомалӣ Раҳмон яке аз сабабҳои густариши фасодкорӣ беҷазо мондани мақомдороне, ки дар ин ҷинояткориҳо даст доранд.

Кохир Расулзода, архивное фото - Sputnik Тоҷикистон
Эълони санаи санҷиши сартосарӣ ва ишораи Раҳмон ба сирри оилаҳои мансабдорони серпул

Раисиҷумҳури Тоҷикистон ахиран дар мулоқот бо кормандони умури молия, андоз ва гумрук таъкид намуда буд, ки сабаби идомаи ҷинояткорӣ дар дидбонгоҳҳои гумрукӣ дар он аст, ки кормандон ба ҷавобгарии ҷиноӣ кашида намешаванд. Ӯ омори садҳо парвандаҳои ҷиноӣ дар ин бахшро мисол овард, ки танҳо соҳибони мол барои қочоқ ба ҷавобгарӣ кашида шудаанд, аммо масъулине, ки дар он даст доштаанд беҷазо мондаанд.

“Ба Кодекси ҷиноӣ тағйирот ворид карда шавад, кадом корманде набошад, барои роҳ додани чунин камбудиҳо умуман ба хизмати давлатӣ роҳ дода нашавад. На танҳо соҳиби мол балки кормандони андозу гумрук ба ҷавобгарӣ кашида шаванд. Як камбудӣ кард, ҳамон дақиқа бояд аз система бароред. Дар соҳа кор накунад. Дар ягон ҷо ба хизмати давлатӣ қабул карда нашавад”, - таъкид кард Эмомалӣ Раҳмон.

Сотрудник таможенной службы Шахбоза Раджабзода отчитывается перед Эмомали Рахмоном - Sputnik Тоҷикистон
Чаро аз номи фарзандони ман гап мезанӣ?!: Раҳмон гумрукчии дурӯғгӯйро шарманда кард- Видео

Дастури тағйирот ба Кодекси ҷиноӣ дар ҳоле ироа шуд, ки гуруҳе аз корбарони шабакаҳои иҷтимоӣ бо ишора ба қазияи Шаҳбоз Раҷабзода, собиқ сардори терминлаи 1-и Душанбе изҳор доштанд, ки масъулин барои фасодкориҳо на танҳо аз соҳа ронда шаванд, балки ба ҷавобгарии ҷиноӣ кашида шаванд.  Раисиҷумҳури Тоҷикистон ахиран Шаҳбоз Раҷабзодаро барои фасодкориҳо интиқод карда, таъкид намуд, ки аризаашро навишта “гум” шавад.

Лентаи хабарҳо
0