Қатли Қиёмиддин Ғозию Шайх Темур бо роҳбарии писари Ҳалимов: эълони номҳо ва ҷузъиёти ошӯб

© Кадр из YouTubeГулмурод Халимов, архивное фото
Гулмурод Халимов, архивное фото - Sputnik Тоҷикистон
Обуна шудан
Сарраёсати иҷрои ҷазои ҷиноятии Вазорати адлияи Тоҷикистон ҷузъиёти ошӯб дар зиндони “Кирпичний”-ро шарҳ дод

ДУШАНБЕ, 20 май - Sputnik. Рӯзи 19 майи соли 2019, соати 21.30 дар муассисаи ислоҳии 3/2 Сарраёсати иҷрои ҷазои ҷиноятии Вазорати адлия воқеъ дар шаҳри Ваҳдат аз тарафи маҳбусоне, ки бо моддаи 401 Кодекси ҷиноятии Ҷумҳурии Тоҷикистон маҳкум шуда буданд, бо мақсади номураттаб сохтани низоми муассиса ва фирор аз он бетартибӣ ба амал омад.

Задержанный преступник, архивное фото  - Sputnik Тоҷикистон
Генерал Умаров дар бораи кушташудаҳо дар “Кирпичний”

Тибқи иттилоияи Сарраёсати иҷрои ҷазои ҷиноятӣ, ки сомонаҳои расмии мақомоти Тоҷикистон нашр кардаанд, "ташкилкунандагони бетартибӣ аъзои созмони террористиву эктремистии дар Тоҷикистон тибқи қонун манъшудаи “Давлати исломӣ” буда, роҳбарони бевоситаи он Беҳрӯзи Гулмурод — писари собиқ полковники хоин Гулмурод Ҳалимов, ки дар Сурия кушта шудааст ва Гулов Фахриддин, Шарипов Маҳмадулло ва Ҳасанов Рӯҳулло буданд".

Ба иттилои манбаъ, гурӯҳи номбаршуда аввал се корманди муассисаи ислоҳӣ — майор Муродов Бурҳониддин, майор Ҳалимов Абдуҷаббор ва лейтенанти калон Асоев Маҳмуд Ҳамидовичро бо корд ваҳшиёна ба қатл расонида, аз тавқифгоҳи ҷаримавии муассиса 8 нафар маҳбусони дигарро, ки онҳо низ аъзои созмони террористиву экстремистии “Давлати исломӣ” буданд, озод карданд ва сипас 5 нафар маҳбусон, аз ҷумла Саид Қиёмиддини Ғозӣ, Каримов Саттор Самадович (Махсуми Саттор) ва Сатторов Саидмаҳдихон (Шайх Темур)-ро дар назди дигар маҳбусон бо мақсади тарсонидани онҳо бо корд ваҳшиёна ба қатл расониданд ва даҳҳо нафар маҳбусони дигарро латукӯб ва захмӣ карданд.

Задержанный преступник, архивное фото  - Sputnik Тоҷикистон
Раҳмон дар бораи ошӯб дар зиндони Хуҷанд: сардори маҳбас ва 8 зердасташ ҳам ҷавоб медиҳанд

Сарраёсати иҷрои ҷазои ҷиноятӣ афзуд, ки сипас аъзои ин гурӯҳ қисми тиббии муассисаро оташ зада, якчанд нафар маҳбусонро гаравгон гирифтанд ва бо мақсади фирор аз муассиса ба кормандони он ҳуҷум карданд.

Дар натиҷаи амалиёти ҷавобӣ, ки тибқи талаботи қонун сурат гирифт, 24 нафар аъзои гурӯҳи зикршуда безарар гардонида, 35 нафар дастгир карда шуд. Шахсони ба гаравгон гирифташуда озод карда шуданд.

Сарраёсат таъкид кард, ки дар бораи ҳодисаи баамаломада аз тарафи Прокуратураи генералӣ парвандаи ҷиноятӣ оғоз карда шуд ва тафтишот идома дорад.

Ин ниҳод афзуд, ки низоми муқаррарӣ дар муассиса, ки дар он якуним ҳазор нафар маҳбусон адои ҷазо мекунанд, барқарор карда шуда, вазъият зери назорат қарор дорад.

Лентаи хабарҳо
0