02:09 21 сентябри 2019
Пахши мустақим
  • USD9.69
  • EUR10.70
  • RUB0.15
Зӯроварии мард бар сари зан, акс аз бойгонӣ

Панҷ соли зиндони Абдураҳмонов барои латукӯби 2 зан дар маркази шаҳр

© Sputnik / Табылды Кадырбеков
Дар Тоҷикистон
Гирифтани линки кӯтоҳ
425 0 0

Додгоҳи шаҳри Ҳисор Абдумутолиб Абдураҳмоновро барои латукӯби ду зан дар маркази шаҳр ба 5 соли зиндон маҳкум кард

ДУШАНБЕ, 20 май - Sputnik. Тибқи иттилои Додситонии кулли Тоҷикистон, Абдураҳмонов дар шафати бинои “Илҳомбонк” воқеъ дар маркази шаҳри Ҳисор шаҳрвандон Амонова Маъруфа Зайдуллоевна ва Рузиева Зарифа Зиёдуллоевнаро латукӯб кардааст.

Манбаъ далелли даст ба ин кирдор задани маҳкумшударо ҳиссиёти авбошӣ гуфтааст.

“Дар натиҷа Амонова Маъруфа Зайдуллоевна зарари миёна ба саломатӣ дар намуди шикасти пӯшидаи ангушти пой бардоштааст”, - иттилоъ дод додситонӣ.

Манбаъ афзуд, аз рӯи ин ҳодиса нисбати Абдураҳмонов бо аломатҳои моддаи 237 қисми 3 банди “в”, барои авбошӣ парвандаи ҷиноӣ кушода шуда, бо анҷоми тафтишоти пешакӣ барои баррасӣ ба додгоҳ равона шудааст.

Додгоҳи шаҳри Ҳисор Абдураҳмоновро дар содир намудани ин ҷиноят гунаҳкор дониста,  ба муҳлати 5 сол аз озодӣ маҳрум кардааст.

Мавзӯъҳои асосӣ