21:17 21 феврали 2020
Пахши мустақим
  • USD9.70
  • EUR10.47
  • RUB0.15
Дар Тоҷикистон
Гирифтани линки кӯтоҳ
57410

Дар 25 соли ахир 148 низомии Қӯшунҳои сарҳадӣ ҷони худро қурбони ҳифзи марзу бум карданд

ДУШАНБЕ, 28 май — Sputnik. Раисҷумҳури Тоҷикистон Эмомалӣ Раҳмон имрӯз, 28 май ҳангоми суханронӣ ба муносибати 25-солагии таъсисёбии Қӯшунҳои сарҳадӣ дар назди кормандони соҳа аз низомиёне ёдрас шуд, ки ҷони худро ҳангоми ҳифзи марзу буми Тоҷикистон қурбон кардаанд.

Кишвардор ҳангоми суханронӣ гуфт, ки сарҳадбонони тоҷик дар тайи 25 соли фаъолияти Қӯшунҳои сарҳадӣ аз воридоти ҳазорҳо тонна маводи мухаддир пешгирӣ кадаанд ва даҳҳо қочоқчиёнро безарар гардонидаанд.

"Сарҳадбонони ҷасури мо якҷо бо дигар мақомоти ҳифзи ҳуқуқ зиёда аз 25 тонна воситаҳои нашъадор, қариб 1200 мил силоҳ ва 6300 муҳиммоти ҷангиро мусодира намуда, 638 нафар қочоқчиёнро безарар ва 456 нафар шахсони сарҳадшиканро дастгир кардаанд", - таъкид кард Эмомалӣ Раҳмон.

Сарвари давлат ёдовар шуд, ки "дар тӯли ин солҳо барои ҳифзи сохти конститутсионӣ, ҳимояи марзу буми кишвар, ҳаёти осудаи сокинон ва оромиву суботи мамлакат ҳангоми амалиёту муҳорибаҳои зиддитеррористӣ 148 нафар хизматчиёни ҳарбии Қӯшунҳои сарҳадӣ ҷони худро қурбон кардаанд, ки мардуми шарифи тоҷик ва давлату Ҳукумати Тоҷикистон номи нек ва ҷасорату фидокории онҳоро ҳаргиз фаромӯш нахоҳанд кард".

Раисҷумҳур дар анҷом масъулинро ба хизмати софдилона даъват кард.

Мавзӯъҳои асосӣ