Ошкори воридоти 106 тонна хурмои пастсифат ва хориҷи он аз қаламрави Тоҷикистон

© Предоставлено Хушнудом РахматуллаевымФиники
Финики - Sputnik Тоҷикистон
Обуна шудан
Мутахассисони “Тоҷикстандарт” зимни гузаронидани корҳои сертификаткунонӣ ва ташхиси хурмо, ки аз ҷониби соҳибкори ватанӣ ворид гардидааст, муайян намуданд, ки маҳсулот аз рӯи сифату бехатарӣ ба талаботи Регламенти техникии кишвар мутобиқ набудааст

ДУШАНБЕ, 6 июн — Sputnik. Аз ҷониби мутахассисони Агентии “Тоҷикстандарт”  дар доираи ҳамкорӣ бо  Кумитаи давлатии амнияти миллии ва Хадамоти гумруки назди Ҳукумати Ҷумҳурии Тоҷикистон 106 тонна хурмои воридотӣ пастсифат арзёбӣ гардида аз қаламрави гумрукии ҷумҳурӣ реэкспорт  карда шуданд, иттилоъ додааст агентии “Ховар”.

Финики, архивное фото - Sputnik Тоҷикистон
Маркази имдоди шоҳи Салмон ба Тоҷикистон 50 тонна хурмо тақдим кард

Манбаъ афзудааст, ки  мутахассисони “Тоҷикстандарт” зимни гузаронидани корҳои сертификаткунонӣ ва ташхиси хурмо, ки аз ҷониби соҳибкори ватанӣ ворид гардидааст, муайян намуданд, ки маҳсулот аз рӯи сифату бехатарӣ ба талаботи Регламенти техникии кишвар “Бехатарии маҳсулоти хӯрокворӣ” мутобиқ нест ва  ба ин маҳсулот сертификати мутобиқат дода нашуд.

Тибқи иттилои сарчашма, баъзе аз соҳибкорон барои ба даст овардани даромади бештар талаботи Қонунҳои Тоҷикистон “Дар бораи ҳимояи ҳуқуқи истеъмолкунандагон”, “Дар бораи бехатарии маҳсулоти хӯрокворӣ” ва Регламенти техникии кишвар дар бораи “Бехатарии маҳсулоти хӯрокворӣ”-ро вайрон намуда, маҳсулоти хӯроквории муҳлати истеъмолаш гузашта, пастсифат ва ба саломатии инсон хатарнокро ба ҷумҳурӣ  ворид менамоянд.

Рӯзҳои фарҳанги Арабистони Саудӣ дар Тоҷикистон - Sputnik Тоҷикистон
Аз оби Зам-зам то хурмо: Саудӣ тоҷиконро бо фарҳанги худ ошно мекунад

Дар ин робита, мунтазам бо соҳибкорон корҳои фаҳмондадиҳӣ гузаронида мешавад. Новобаста ба тақвияти чорабиниҳои тарғиботию фаҳмондадиҳии мутахассисони “Тоҷикстандарт” дар марказҳои савдо ва бозорҳо камбудию норасоиҳо вуҷуд доранд, ки ислоҳи он, пеш аз ҳама ба масъулият ва ҳалолкории соҳибкорону фурӯшандагон, ҳамчунин масъулони бозорҳо вобастагӣ  дорад.

Аз ҷониби дигар, истеъмолкунандагон низ аз ҳуқуқҳои худ бояд истифода бурда, дар вақти харидорӣ намудани ин ё он намуди маҳсулоти хӯрока  ва ё молҳои ниёзи мардум, пеш аз ҳама ба санаи истеҳсол ва муҳлати истеъмол эътибор дода, дар ҳолати зарурат сертификати мутобиқати маҳсулотро аз фурӯшанда талаб намоянд.

Харидор ҳуқуқ дорад дар вақти набудани сертификат он маҳсулотро харидорӣ накунад ва дар сурати вайрон гаштани ҳуқуқҳояш ба мақомоти “Тоҷикстандарт” муроҷиат намояд.

Лентаи хабарҳо
0