Ёвари раисиҷумҳур ба раисон: дастурҳои Эмомалӣ Раҳмонро сари вақт иҷро кунед

© Sputnik / Дмитрий АстаховМужчина закрывает портфель, архивное фото
Мужчина закрывает портфель, архивное фото - Sputnik Тоҷикистон
Обуна шудан
Ин нуктаро ёвари президенти Тоҷикистон оид ба масъалаҳои рушди иҷтимоӣ ва робита бо ҷомеа Абдуҷаббор Раҳмонзода зимни маҷлис бо муовинони раисони вилоятҳо ва шаҳру навоҳӣ таъкид кард

ДУШАНБЕ, 9 июн – Sputnik. Дирӯз дар назди ёвари президенти Тоҷикистон оид ба масъалаҳои рушди иҷтимоӣ ва робита бо ҷомеа Абдуҷаббор Раҳмонзода бо иштироки муовинони раисони вилоятҳо, шаҳру ноҳияҳо ва намояндагони вазорату идораҳои дахлдор ҷаласаи васеи корӣ доир гардид.

Ба иттилоъи АМИТ Ховар, дар ҷаласа Абдуҷаббор Раҳмонзода доир ба иҷрои дастуру Эмомалӣ Раҳмон, омодагӣ ба истиқболи сазовори 30 – солагии Истиқлолияти давлатии Ҷумҳурии Тоҷикистон ва дигар маъракаҳову чорабиниҳои сатҳи давлативу ҷумҳуриявӣ суханронӣ намуд.

Абдуджаббор Рахмонов. Архивное фото - Sputnik Тоҷикистон
Абдуҷаббор Раҳмонзода: мавқеи Тоҷикистон дар сатҳи минтақа баланд меравад

Зимни суханронии ёвари президент таваҷҷуҳи хос ба ҷамъбасти чорабинињои муҳимми бо амрҳои Президенти Ҷумҳурии Тоҷикистон эълонгардида, махсусан озмунҳои «Тоҷикистон-Ватани азизи ман», «Фурӯғи субҳи доноӣ…», «Фестивал, намоиш, ид ва озмунҳои анъана ва ҳунарњои мардумӣ дар Ҷумҳурии Тоҷикистон барои солҳои 2019-2021», бунёди иншооти таъйиноти гуногун дар шаҳру деҳот аз қабили ҳаммому сартарошхонаҳо, кошонаҳои ҳусн, майдончаҳои варзишӣ, бунгоҳҳои тиббӣ, мактабҳо, беҳтар гардонидани вазъи мактаб-интернатҳо, таъсиси ҷойҳои кории нав, расму оини мардумӣ ва зарурати танзими онҳо, гиромидошти забони давлатӣ ва дигар муқаддасоти миллӣ, худшиносию худогоҳӣ ва ватандӯстӣ, зиёни хурофот ва бегонапарастӣ ва ғайра зоҳир гардид.

«ВАО, аз ҷумла телевизион ва радио, чорабиниҳои муҳими сатҳи давлатӣ ва озмунҳои ҷумҳуриявиро ба таври густурда ва саривақтӣ инъикос намоянд, то мардум аз мақсади баргузорӣ ва моҳияти онҳо бохабар бошанд», — таъкид дошт Абдуҷаббор Раҳмонзода.

Раҳмонзода ба масъулин таъкид намуд, ки ҷиҳати иҷрои саривақтии дастуру супоришҳои президент оид ба рафъи камбудиҳои ҷойдошта дар самтҳои болозикр чораҳои мушаххас ва таъхирнопазир андешанд.

Лентаи хабарҳо
0