08:17 20 сентябри 2019
Пахши мустақим
  • USD9.69
  • EUR10.70
  • RUB0.15
Ҳуҷра, акс аз бойгонӣ

ВУД: фоҳишахонаи гуруҳӣ дар Душанбе ошкор шуд

© Пресс-служба Президента Республики Таджикистан
Дар Тоҷикистон
Гирифтани линки кӯтоҳ
329310

Вазорати умури дохилии Тоҷикистон аз боздошти зани 44-сола бо иттиҳоми ташкили фоҳишахона хабар дод

ДУШАНБЕ, 10 июн — Sputnik. Тибқи иттилои ВУД, дастгиршуда сокини шаҳри Бохтар буда, хонаи иҷорагирифтааш дар шаҳри Душанберо ба фоҳишахона табдил додааст.

“Муттаҳам рӯзи 2-юми майи соли 2019, тахминан соати 14:00, хонаи ба иҷора гирифтааш, воқеъ дар кӯчаи Н.Махсуми шаҳри Душанберо ба фоҳишахона табдил дода, барои алоқаи ҷинсӣ намудан ба 3 ҷуфти марду зан шароит муҳайё намуда, аз онҳо 550 сомонӣ мукофотпулӣ гирифтааст”, - омадааст дар иттилоия.

ВУД таъкид кардааст, ки феълан аз рӯи ин ҳодиса тафтишот идома дорад.

Қаблан мақомоти Тоҷикистон, тағйирот ба Кодекси ҷиноиро қабул карданд, ки бар асоси он ҷазои занҷаллобону ташкилкунандагони фоҳишахона сангин шуд.

Бар асоси иловаҳо ба моддаи 239 қисми 2, ки Маҷлиси миллӣ қабул кард, барои ташкили такрорӣ ё нигаҳдошти фоҳишахона, даллагӣ ё занҷаллобӣ то 8 соли зиндон муайян шудааст.

Иҷора на барои иқомат, балки барои табдили фоҳишахона

Барои ташкил фоҳишахона, ҳамчунин даллагӣ ё занҷаллобӣ дар Тоҷикистон ҷарима ба андозаи аз 1 ҳазор то 2 ҳазор нишондиҳанда барои ҳисобҳо, ё маҳрум сохтан аз озодӣ ба муҳлати то панҷ сол ҷазо пешбинӣ шуда буд.

Бар асоси тағйироти қабулшуда ба афроде, ки дубора даст ба чунин ҷинояткорӣ мезананд то 8 соли зиндон таҳдид мекунад.

Барчаспҳо:
боздошт, парвандаи ҷиноӣ, дастгир, фоҳишахона, Тоҷикистон

Мавзӯъҳои асосӣ