Эмомалӣ Раҳмон қонун дар бораи симкортҳо ва дороии мансабдоронро имзо кард

© Foto / Хадамоти матбуоти Президенти УзбекистонЭмомали Рахмон подписывает документы на заседании глав государств СНГ в Душанбе
Эмомали Рахмон подписывает документы на заседании глав государств СНГ в Душанбе - Sputnik Тоҷикистон
Обуна шудан
Эмомалӣ Раҳмон, раисиҷумҳури Тоҷикистон имрӯз якчанд қонунҳоро ба имзо расонид, ки аз масъалаи чарогоҳ то дороии мансабдоронро фаро мегиранд

ДУШАНБЕ, 20 июн — Sputnik. Котиботи раисиҷумҳур дар феҳрасти қонунҳои имзошуда – “Дар бораи ҳунармандӣ”, “Дар бораи чарогоҳ” ва тағйирот ба  кодексҳои ҷиноятӣ, ҳуқуқвайронкунии маъмурӣ, гумрук ва андозро ном бурдааст.

Озода Рахмон на заседании, архивное фото - Sputnik Тоҷикистон
Озода Раҳмон гуфт дар кадом ҳолатҳо соҳиби симкорт ба ҷавобгарии ҷиноӣ кашида мешавад

Дафтари матбуоти раисиҷумҳури Тоҷикистон таъкид кардааст, ки тағйиру иловаҳо ба кодексҳои ҷиноятӣ ва ҳуқуқвайронкунии маъмурӣ бо мақсади пешгирии ғайриқонунӣ пайваст кардани симкортҳо ба шабакаи алоқаи барқӣ ва бо истифода аз онҳо содир кардани ҷиноятҳои хусусияти экстремистиву террористидошта равона гардида, барои содир кардани чунин кирдорҳо ҷавобгарии маъмурӣ ва ҷиноятиро муқаррар кардааст.

Манбаъ афзуд, ки бар асоси тағйиру иловаҳо ба кодексҳои андоз ва гумруки Тоҷикистон, кормандони мақомоти номбурда минбаъд дар бораи доромад ва вазъи молумулкии худ ба мақомоти дахлдор бояд эъломия пешниҳод намоянд.

Сим-карта, архивное фото - Sputnik Тоҷикистон
Маълум шуд, ки киҳо метавонанд шиносномаашонро барои симкорт иваз накунанд

Котиботи раисиҷумҳур илова намуд, ки қонуни Тоҷикистон “Дар бораи чарогоҳ” дар таҳрири нав тартиби ба истифода додани чарогоҳ, ҳуқуқу ӯҳдадориҳои истифодабарандагони он, назорати истифодаи дуруст ва босамари чарогоҳ, инчунин дигар масъалаҳои чарогоҳро ба таври пурра ба танзим медарорад.

“Қонунҳои ба имзорасида ба ҳифзи ҳамаҷонибаи ҳуқуқу озодиҳои инсон, таъмини амнияти давлату ҷамъият, татбиқи дурусти сиёсати пуливу қарзӣ, дастгирии давлатии соҳибкорӣ, рушди ҳунарҳои мардумӣ ва беҳдошти зиндагии мардум равона шудаанд”, - таъкид кардааст дафтари матбуоти раисиҷумҳур.

Манбаъ афзуд, ки матни пурраи қонунҳои баимзорасида дар матбуоти расмии кишвар интишор карда мешавад.

Лентаи хабарҳо
0