Иштироки Раҳмон дар маросими ифтитоҳи манораи назоратӣ-диспетчерӣ дар фурудгоҳи Душанбе

© Пресс-служба Президента РТИштироки Эмомалӣ Раҳмон дар маросими ифтитоҳи манораи назоратӣ-диспетчерӣ дар фурудгоҳи Душанбе
Иштироки Эмомалӣ Раҳмон дар маросими ифтитоҳи манораи назоратӣ-диспетчерӣ дар фурудгоҳи Душанбе - Sputnik Тоҷикистон
Обуна шудан
Имрӯзт Эмомалӣ Раҳмон, раисҷумҳури кишвар баъд аз анҷоми сафари кориаш ба водии Рашт дар шаҳри Душанбе манораи назоратӣ-диспетчерии Корхонаи Воҳиди Давлатии “Тоҷикаэронавигатсия”-ро ифтитоҳ кард

ДУШАНБЕ, 27 июн — Sputnik. Имрӯз бо иштироки Эмомалӣ Раҳмон, раисҷумҳури Тоҷикистон дар фурудгоҳи байналмиллалии Душанбе манораи назоратӣ-диспетчерии Корхонаи Воҳиди Давлатии “Тоҷикаэронавигатсия”-ро ифтитоҳ намуданд.

Дар ин бора дафтари матбуоти раисҷумҳури кишвар иттилоъ додааст.

Таджикистан празднует День национального единства - Sputnik Тоҷикистон
Аз ифтитоҳи иншоот то шиносоӣ бо вазъи зиндагии мардум: сафари Раҳмон ба Рашт анҷом ёфт

Бино бар иттилоии манбаъ, манораи назоратӣ-диспетчерӣ аз ҳисоби маблағҳои грантии Фаронса сохта шудааст.

Тавре манбаъ қайд намудааст, сохтмонӣ иншооти мазкур 7-уми ноябри соли 2017 оғоз ёфта, дар муддати 18 моҳ сохта ба истифода супорида шуд.

Инчунин манбаъ қайд намудааст, ки баландии манораи назоратӣ-диспетчерӣ 41 метр будааст.

Ҳамзамон иншооти Маркази идораи ҳаракати ҳавоӣ аз ҳисоби маблағҳои худи “Тоҷикаэронавигатсия” пурра таъмир карда шудааст.

КВД “Тоҷикаэронавигатсия” дар доираи имконияти молиявии худ аз ҳисоби маблағҳои дохилӣ дар давоми солҳои 2016-2019 бо маблағи 30 миллион сомонӣ барои кормандон дастгоҳу таҷҳизоти соҳавӣ харидорӣ намудааст.

Самти фаъолияти Корхона қонеъ намудани талаботи истифодабарандагони фазои ҳавоӣ, ҷиҳати хизматрасонии аэронавигатсионӣ, таъмини бехатарӣ, сарфакорона ва мунтаззами ҳаракати ҳавоӣ дар хатҳои ҳавоӣ ва дигар самтҳои соҳаи аэронавигатсия ба ҳисоб меравад.

Лентаи хабарҳо
0