03:39 21 июли 2019
Пахши мустақим
  • USD9.44
  • EUR10.60
  • RUB0.15
Задержание, архивное фото

ВУД: ошкор гардидани силсиладуздиҳо ва ҳадафҳои тақаллубкорӣ

© Sputnik / Виталий Аньков
Дар Тоҷикистон
Гирифтани линки кӯтоҳ
55 0 0

Дар натиҷаи гузаронидани чорабиниҳои оперативӣ-ҷустуҷӯӣ, кормандони ВУД як қатор ҷиноятҳои дуздӣ ва қаллобиро дар минтақаҳои гуногуни кишвар ошкор намуданд

ДУШАНБЕ, 5 июл — Sputnik. Дафтари матбуотии Вазорати умури дохилаи Тоҷикистон аз як қатор ҷиноятҳои дуздӣ ва ҳадафҳои тақаллубкорӣ хабар додааст. 

Мабаъ афзудааст, ки ба мақомоти милитсия марди 34-солаи сокини ҷамоати деҳоти Заргари ноҳияи Кушониён дар он хусус муроҷиат намудааст, ки шаби 16 ба 17-уми июни соли 2019, тахминан соати 01:30-дақиқа, шахсони номаълум бо роҳи пинҳонӣ аз заминҳои деҳаашон 1-сар чорвои калони шохдорро, ки арзишаш 6000 сомониро ташкил медиҳад, дуздида аз ҷойи ҳодиса ғайб задаанд.

Ҳангоми гузаронидани чорабиниҳои оперативӣ-ҷустуҷӯӣ ду марди 25 ва 26-солаи сокинони ноҳияи зикргардида ҳамчун гумонбар дар содир намудани ҷинояти дуздӣ дастгир карда шуданд.

Тафтишот муайян намуд, ки номбурдагон, ҳамчунин шаби 28 ба 29-уми июни соли 2019, тахминан соати 01:30 дақиқа, бо роҳи пинҳонӣ аз заминҳои хоҷагии деҳқонии ҳамин ноҳия 1сар чорвои калони шохдорро, ки арзишаш 5000 сомониро ташкил медиҳад, дуздида аз ҷойи ҳодиса ғайб задаанд.

Оид ба ин ҳодиса парвандаи ҷиноятӣ оғоз гардида, корҳои тафтишотӣ идома дорад.

Ҳамчунин ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия марди 48-солаи сокини шаҳри Хуҷанд, бо гумони қаллобӣ дастгир карда шудааст.

Номбурда, 9-уми ноябри соли 2016, бо роҳи фиреб ба боварии марди 41-солаи сокини ш.Истаравшан даромада, аз ӯ автомашинаи шахсияш тамғаи “Мерседес-Бенс”-ро ба маблағи 55000 сомонӣ нархгузорӣ карда гирифта, то ҳол маблағашро барнагардонидааст.

Ин қазия мавриди тафтиш қарор дорад.

Барчаспҳо:
ВУД, говдуздӣ, қаллобӣ, Тоҷикистон

Мавзӯъҳои асосӣ