22:51 23 августи 2019
Пахши мустақим
  • USD9.68
  • EUR10.72
  • RUB0.15
бозори Меҳргон, акс аз бойгонӣ

Гаронтарин орд ва арзонтарин гӯшт дар Бадахшон фурӯхта мешавад

© Sputnik / Амир Исаев
Дар Тоҷикистон
Гирифтани линки кӯтоҳ
547 0 0

Хадамоти зиддиинҳосории Тоҷикистон хулосаи омӯзишии худ аз бозорҳои Тоҷикистонро, ки аз охири моҳи май то охири моҳи июн анҷом додааст, нашр намуд

ДУШАНБЕ, 15 июл — Sputnik. Натиҷаи омӯзишии хадамоти зиддиинҳисорӣ дар бозорҳои кишвар маълум намуд, ки аксаран арзонтарин маводи ғизоӣ дар вилояти Суғд буда, гаронтарин дар вилояти мухтори Кӯҳистони Бадахшон аст.

Бар хабари ин ниҳоди давлатӣ, ҳукумат назорати нархи як қатор маҳсулотҳои хӯроквории муҳимтарро таҳти назорати қатъӣ қарор додааст, ва ин маҳсулотҳо набояд аз арзиши муқарраршудаи ҳукумат, гаронтар фурӯхта шаванд.

Хадамоти мазкур дар хулосаи омӯзишии худ овардааст, ки нархи як халта орди 50 килограммаи истеҳсоли ватанӣ 175 сомонӣ ва орди истеҳсоли хориҷӣ -187 сомонӣ ба фурӯш гузошта шудааст.

Ин дар ҳолест, ки аксар фурӯшандаҳо бар ин боваранд, ки нархи муқараршудаи орд арзонтар буда, савдогарон онро ба қиммати 10-15 сомонӣ гаронтар мефурӯшанд.

Як моҳ мӯҳлат: Рустам Эмомалӣ дар бозор, ошхонаву мағозаҳои Душанбе либоси ягона ҷорӣ кард

Гузашта аз ин арзиши орд дар вилояти Суғд назар ба дигар манотиқи кишвар арзонтар буда, ба маблағи аз 157 то 180 сомонӣ фурӯхта мешавад.

Гуфта мешавад, орди аз ҳама гарон дар вилояти мухтори Кӯҳистони Бадахшон ба қайд гирифта шудаст, ки арзиши як халта орди 50 килограм дар ин манотиқ - 190 сомонӣ нарх дорад.

Зимнан, дар Бадахшон арзиши гӯшт дар муқоиса ба дигар минтақаҳо арзонтар аст.

Агар дар пойтахт сокинон як килло гӯштро ба арзиши 40-45 сомонӣ харидорӣ намоянд, дар Бадахшон гӯшт ба нархи 35-38 сомонӣ фурӯхта мешавад.

То соли 2020 маҳсулоти муштараки ширии Тоҷикистону Белорус ба бозор мебарояд

Нархи ин намуд маҳсулот аз ҳама гарон дар вилояти Хатлон ба қайд гирифта шудааст, ки дар ин минтақа сокинон гӯштро ба маблағи 46-49 сомонӣ харид мекунанд.

Барчаспҳо:
Хадамоти зиддиинҳисорӣ, маҳсулот, бозор, нарх, Тоҷикистон

Мавзӯъҳои асосӣ

  • Озода Раҳмон, роҳбари дастгоҳи раисиҷумҳури Тоҷикистон, акс аз бойгонӣ

    Палатаи болоии парлумони Тоҷикистон хабар дод, ки Озода Раҳмон, раиси Кумитаи Маҷлиси миллӣ дар бахши таъмини асосҳои конститутсионӣ, ҳуқуқу озодиҳои инсон, шаҳрванд ва қонуният бо пешниҳоди Шӯрои Маҷлиси мазкур, мақоми ҷадид гирифтааст

    2998
  • Мулоқоти раисҷумҳури Русия Владимир Путин бо президенти Тоҷикистон Эмомалӣ Раҳмон

    Раисҷумҳури Русия унвонии президенти Тоҷикистон Эмомалӣ Раҳмон даъватнома барои иштирок дар 75 - умин солгарди ғалаба дар Ҷанги Бузурги Ватанӣ ирсол намудаст.

    646
  • Мошини БДА

    Додгоҳи ноҳияи Шаҳринав кашмакаши як ронандаи солхӯрда бо нозири роҳро, ки навори он ба интернет роҳ ёфта буд, баррасӣ карда, ронандаро ба андозаи беш аз 38 ҳазор сомонӣ ҷарима баст

    541