17:31 17 августи 2019
Пахши мустақим
  • USD9.44
  • EUR10.46
  • RUB0.14
Шермуҳаммади Шоҳиён, раиси Додгоҳи олии Тоҷикистон, акс аз бойгонӣ

Раиси Суди Олӣ дархости аъзои “Гуруҳи – 24” барои иҷозаи фаъолиятро шарҳ дод

© Sputnik / Алексей Куденко
Дар Тоҷикистон
Гирифтани линки кӯтоҳ
1388 0 0

Шермуҳаммади Шоҳиён, раиси Додгоҳи олии Тоҷикистон мегӯяд, бархе аз намояндагони “Гуруҳи 24” расман ба ин ниҳод муроҷиат карда, хостори берун кардани ин гуруҳ аз феҳрасти созмонҳои мамнуъ ва экстремистии кишвар шуданд

ДУШАНБЕ, 22 июл — Sputnik. Шоҳиён имрӯз зимни нишасти матбуотӣ иттилоъ дод, ки чанд намояндаи ин созмон расман тариқи хаттӣ муроҷиат карда, бо изҳори пушаймонӣ хостори бозбинии қарори Суди Олӣ дар бораи “Гуруҳи 24” шуданд.   

Раиси Додгоҳи олӣ тавзеҳ дод, ки зимни баррасии муроҷиат маълум шуд, ки мавқеи муроҷиаткунандагон хилофи мавқеи аъзои дигари ин созмони мамнуъ мебошад. Ба гуфтаи Шоҳиён аъзои дигари гуруҳ изҳор доштаанд, ки мавқеи худро дигар карданӣ нестанд ва фикру аҳдофи худро тағйир намедиҳанд.

Ӯ афзуд, ки дар пайи баррасии муроҷиати мазкур розӣ расман ба муроҷиаткунандагон посухи хаттии рад дода шуд ва феълан ҳеч далел, ҳеч ҳолати наву истисноӣ барои бозбинӣ кардани қарори Суди Олӣ дар бораи экстремистӣ эълон кардани созмони “Гуруҳи 24” нест.

Дар маҷмуъ Шоҳиён таъкид кард, ки дар Тоҷикистон феҳрасти созмонҳои мамнуи экстремистию террористӣ  дар қиёс бо кишварҳои дигари шӯравӣ, аз ҷумла Русия хеле кам мебошад.  

Мавзӯъҳои асосӣ