23:03 23 августи 2019
Пахши мустақим
  • USD9.68
  • EUR10.72
  • RUB0.15
Мужчина утоляет жажду прохладным айраном

КҲФ гуфт дар гармӣ бояд кадом ғизоро истеъмол карду чӣ пӯшид

© Sputnik / Стас Этвеш
Дар Тоҷикистон
Гирифтани линки кӯтоҳ
574 0 0

КҲФ дар муроҷиат ба сокинону меҳмонони Тоҷикистон мегӯяд, дар гармо бидуни зарурат ба берун набароянд

ДУШАНБЕ, 23 июл — Sputnik. Кумитаи ҳолатҳои фавқулодда бо истинод ба маълумоти Ожонси ҳавошиносии кишвар хабар медиҳад, ки ҳавои гарму хушк дар қаламрави кишвар боқӣ мемонад.

Бино ба иттилои манбаъ, гармои шадид сабабгори об шудани барфҳову пиряхҳо шуда, ба болоравии сатҳи оби рӯдхонаҳои Вахш, Панҷ ва Зарафшон оварда мерасонад. 

Баланд шудани сатҳи об соҳилҳоро мешӯяд, метавонад сабаби омадани сел, лағзиши тарма, резиши санг дар минтақаҳои кӯҳӣ шавад. 

Дар ҳамин иртибот Кумитаи ҳолатҳои фавқулодда ба сокинон ва мемонони кишвар муроҷиат мекунад, ки ҳангоми сафар ба ноҳияҳои кӯҳӣ эҳтиёткор бошанд. Сокинони маҳаллӣ низ ҳангоми ҷамъоварии ҳезум, дарави алаф, шикор зиракиро аз даст надиҳанд. 

Тавсияҳои КҲФ барои наҷот аз гармӣ

Дар гармо бидуни зарурат ба кӯча набароед, ҳаддиақал аз соати 11 то 17 дар хона бимонед. Вале агар зарурати баромадан доред, пас либоси тунуки рушани дӯхташуда аз матоъи  табиӣ пӯшед, кулоҳи сабук дар сар дошта бошед. Ҳатман бо худ оби бегаз гиред.

Дар кӯча бештар дар сояҳо роҳ равед, сари чанд вақт барои раҳоӣ аз гармо ба мағозаву дуконҳо дароед. 

Бештар об нӯшед, рӯзе аз 1,5 то 3 литр нӯшидани оби тоза тавсия мешавад.   

Дар чунин рӯзҳо нӯшидани нӯшокиҳои спиртӣ тавсия намешавад, нӯшокиҳои ба ном ташнагишикани ширину газдор низ. Ин нӯшокиҳо ташнагиро афзун мекунанду кам не. Ҳатто сабабгори заъфи табодули моддаҳо дар организм мешаванд. 

Ғизои сабук хӯред, бештар меваву сабзавот истеъмол кунед, моҳӣ ва мурғи обпӯхта, шӯрбои сард истеъмол намоед. Дар ин рӯзҳо аз хӯрдани ғизоҳои равғанӣ ва ширин худдорӣ намоед.

Дар авҷи гармии рӯз аз меҳнати ҷисмонӣ пурра худдорӣ кунед.

Дар хона тавсия намешавад, ки ҳаво поинтар аз +22+23 дараҷа бошад.

Дар ҳавои гарм бояд бештар ба кӯдакон таваҷҷуҳ карда шавад. Бадани кӯдакон ба гармо нисбат ба калонсолон ҳассостар аст. 

Ва ҳагоми истироҳат дар соҳили рӯдхонаву каналҳо ва дигар махзанҳои об бояд эҳтиёткор буд, қоидаҳои бехатарии шиновариро бояд ҷиддан риоя кард ва дар маконҳое, ки оббозӣ маннуъ аст, набояд саргарми шиноварӣ шуд.

Мавзӯъҳои асосӣ

  • Озода Раҳмон, роҳбари дастгоҳи раисиҷумҳури Тоҷикистон, акс аз бойгонӣ

    Палатаи болоии парлумони Тоҷикистон хабар дод, ки Озода Раҳмон, раиси Кумитаи Маҷлиси миллӣ дар бахши таъмини асосҳои конститутсионӣ, ҳуқуқу озодиҳои инсон, шаҳрванд ва қонуният бо пешниҳоди Шӯрои Маҷлиси мазкур, мақоми ҷадид гирифтааст

    3049
  • Мулоқоти раисҷумҳури Русия Владимир Путин бо президенти Тоҷикистон Эмомалӣ Раҳмон

    Раисҷумҳури Русия унвонии президенти Тоҷикистон Эмомалӣ Раҳмон даъватнома барои иштирок дар 75 - умин солгарди ғалаба дар Ҷанги Бузурги Ватанӣ ирсол намудаст.

    680
  • Мошини БДА

    Додгоҳи ноҳияи Шаҳринав кашмакаши як ронандаи солхӯрда бо нозири роҳро, ки навори он ба интернет роҳ ёфта буд, баррасӣ карда, ронандаро ба андозаи беш аз 38 ҳазор сомонӣ ҷарима баст

    579