07:32 16 ноябри 2019
Пахши мустақим
  • USD9.69
  • EUR10.69
  • RUB0.15
Рахмон открыл гостиницу в Балджуване

Раисиҷумҳур дар деҳоти Сари Хосор меҳмонхона ва ҳаммом ифтитоҳ кард

© Пресс-служба Президента Республики Таджикистан
Дар Тоҷикистон
Гирифтани линки кӯтоҳ
141 0 0

Бо ширкати раисиҷумҳури Тоҷикистон дар деҳоти Сари Хосор чанд иншооти нав ифтитоҳ шуд

ДУШАНБЕ, 6 авг — Sputnik. Дар деҳоти Сари Хосори ноҳияи Балҷувон Эмомалӣ Раҳмон бинои меҳмонхона, ҳаммом ва маркази хизматрасонии "Шайдон"-ро мавриди баҳрабардорӣ қарор доданд.

Бино ба гузоришит котиботи раисиҷумҳур, иншоот аз се ошёна иборат буда, дар қабати якуми он ҳаммом, ҳавзи оббозӣ, буғхона, кошонаи ҳусн ва сартарошхона ҷой дода шудааст.

Дар ошёнаи дуюм меҳмонхона бо 20 ҷой ва дар ошёнаи сеюм ошхона бо 60 ҷой ва толори тенниси рӯи миз ташкил карда шудааст.

Корҳои сохтмониро дар бинои “Шайдон” соли 2017 оғоз намудаанд. 

Дар ин маркази хизматрасонии муосир беш аз 10 нафар сокинони маҳаллӣ бо ҷойи кори доимӣ таъмин шудаанд. Масоҳати умумии бино беш аз 700 метри мураббаъро дар бар гирифта, дар яке аз маконҳои зебоманзари маркази деҳоти Сари Хосор ҷойгир шудааст ва он хеле назаррабо ба чашм мерасад.

Эмомалӣ Раҳмон зимни ошноӣ бо шароити маркази хизматрасонӣ ҷиҳати истифодаи пурсамар аз имконоти фароҳамгардида ва муаррифии ҳарчи бештари мавзеъҳои тамошобоби Сари Хосор ба масъулин дастуру ҳидоятҳо додааст.

Гуфта мешавад, ки дар ояндаи наздик ба хотири рушди соҳаи сайёҳӣ дар минтақаи Сари Хосор боз бунёди 5 адад меҳмонхонаи замонавии дигар ба нақша гирифта шудааст.

Барчаспҳо:
суханронӣ, Президент, суханронӣ дар Балҷувон, Балҷувон, Тоҷикистон

Мавзӯъҳои асосӣ