ДУШАНБЕ, 7 авг — Sputnik. Бино бар иттилои Ожонсии обуҳавошиносии Тоҷикистон, ҳавои гарм дар ҷумҳурӣ то 8 август боқӣ хоҳад монд.
Тавре манбаъ хабар додааст, дар шаҳри Душанбе ҳавои камабру бебориш дар назар аст. Гармии ҳаво шабона ба 18+20 ва рӯзона ба 40+42 дараҷа мерасад.
Дар шаҳру ноҳияҳои тобеи марказ ҳаво камабри бебориш шуда, ҳаво дар водиҳо шабона 17+22 ва рӯзона 40+42 дараҷа гарм мешавад. Дар ноҳияҳои кӯҳӣ ҳаво шабона 14+19 ва рӯзона 32+37 дараҷа гарм мешавад.
Дар вилояти Хатлон ҳаво камабри бебориш шуда, ҳаво дар водиҳо шабона 22+27 ва рӯзона 39+45 дараҷа гарм мешавад. Дар доманакӯҳҳо ҳаво шабона 18+23 ва рӯзона 33+38 дараҷа гарм мешавад.
Дар ҳамин ҳол, тибқи иттилои манбаъ, дар вилояти Суғд ҳавои тағйирёбандаи бебориш дар назар дошта шуда, дар водиҳо шабона 20+25 ва рӯзона 37+42 дараҷа гарм мешавад. Дар ноҳияҳои кӯҳӣ гармии ҳаво шабона ба 9+14 ва рӯзона ба 27+36 дараҷа мерасад.
Дар Вилояти Мухтори Кӯҳистони Бадахшон ҳаво тағйирёбандаи бебориш шуда, ҳаво дар ғарби вилоят шабона 14+19 ва рӯзона 32+37 дараҷа гарм мешавад. Дар шарқи вилоят ҳаво шабона 5+10 ва рӯзона 19+24 дараҷа гарм мешавад.