22:40 23 августи 2019
Пахши мустақим
  • USD9.68
  • EUR10.72
  • RUB0.15
Симкорт, акс аз бойгонӣ

Раҳмон қарори нав дар бораи симкортҳоро имзо кард: аз А то Я-и сабту харидуфурӯш

© Sputnik / Стас Этвеш
Дар Тоҷикистон
Гирифтани линки кӯтоҳ
196801

Эмомалӣ Раҳмон, раисиҷумҳури Тоҷикистон бо имзои қарори Ҳукумат муҳлати сабти симкортҳоро барои 6 моҳи дигар - то 15 феврали соли 2020 тамдид кард

ДУШАНБЕ, 16 авг — Sputnik. Бар асоси қарори ҷадиди Ҳукумат, ки 15 августи соли равон аз ҷониби Эмомалӣ Раҳмон имзо шудаасту  худи он рӯз дар нашрияи “Ҷумҳурият” нашр гардидааст, барои сабти симкортҳо ба ҷои 6 моҳи қаблӣ як моҳ муҳлат дода шудааст.

“Дар банди 3 Қарори Ҳукумати Ҷумҳурии Тоҷикистон аз 30 апрели соли 2016, № 207-7 “Дар бораи Тартиб ва талаботи пайвастшавӣ ба шабакаи алоқаи барқӣ ва хизматрасониҳои вобаста ба он” рақам ва калимаи “6 моҳ” ба калимаҳои “як сол” иваз карда шаванд”, - омадааст дар қарори ҷадиди Ҳукумат.

Дар қарори қаблӣ, ки Эмомалӣ Раҳмон моҳи феврали соли равон имзо намуда буд, барои сабти симкортҳо бо пешниҳоди шиносномаҳои нав 6 моҳ - то август муҳлат муқаррар шуда буд ва феълан он ба як сол иваз гардид.  

Бар асоси тағйирот ба қарори Ҳукумат, “Дар бораи тартиб ва талаботи пайвастшавӣ ба шабакаи алоқаи барқӣ ва хизматрасониҳои вобаста ба он”, ки аз ҷониби раисиҷумҳур 9 феврал имзо гардидааст, симкорти шахсоне, ки шиносномаи намунаи соли 2014 надоранд, аз нав ба қайд гирифта мешаванд.

Ҳукумат инчунин масъулини соҳаро барои насби камераҳои мушоҳидавӣ дар нуқтаҳои хариду фурӯши симкортҳо уҳдадор намуда, муваззаф кардааст, ки зиёда аз ду симкортро ба номи як шахс (дар ҳамаи операторони хизмати алоқаи барқӣ) ба расмият надароранд.

“Хизматрасонии симкортҳое, ки дар муҳлати 6 моҳ истифода бурда намешаванд, қатъ кунанд. Ҳангоми пайвастшавӣ ба шабакаи алоқаи барқӣ нусхаи ҳуҷҷатҳои пешниҳодшавандаро, аз ҷумла дар шакли электронӣ дар муҳлати муқаррарнамудаи қонунгузории Ҷумҳурии Тоҷикистон дар соҳаи бойгонӣ нигоҳ доранд”, - вазифадор шудаанд ширкатҳои масъули соҳа.

Ҳукумат инчунин муқаррар кардааст, ки ноболиғон аз синни 16 бо ризояти хаттии падару модар ё намояндагони дигари қонунӣ метавонанд бо пешниҳоди шиносномаи шаҳрванди Ҷумҳурии Тоҷикистон намунаи соли 2014 симкортро ба номи худ дастрас намоянд.

“Падару модар ва намояндагони дигари қонунӣ уҳдадоранд истифодаи симкортро аз ҷониби фарзандони ноболиғ ва ё шахсони таҳти васоят ва парастории онҳо қарордошта назорат баранд”, - таъкид шудааст дар қарор.

Инчунин Ҳукумат дар ҳудуди Тоҷикистон хариду фурӯши симкортҳои ширкатҳои хориҷӣ ва фурӯши симкортҳои ширкатҳои дар Тоҷикистон бақайдгирифташударо дар ҳудуди давлати хориҷӣ манъ кардааст.

Дар мавриди фурӯши симкортҳо ба шаҳрвандони хориҷӣ, шахсони бешаҳрванд ва гурезаҳо Ҳукумат муқаррар кардааст, ки бо пешниҳоди гувоҳномаи иқомат барои шаҳрванди хориҷӣ дар Ҷумҳурии Тоҷикистон, гувоҳномаи иқомат барои шахси бешаҳрванд дар Ҷумҳурии Тоҷикистон ё шаҳодатномаи гуреза ба расмият дароварда мешавад.

Мавзӯъҳои асосӣ

  • Озода Раҳмон, роҳбари дастгоҳи раисиҷумҳури Тоҷикистон, акс аз бойгонӣ

    Палатаи болоии парлумони Тоҷикистон хабар дод, ки Озода Раҳмон, раиси Кумитаи Маҷлиси миллӣ дар бахши таъмини асосҳои конститутсионӣ, ҳуқуқу озодиҳои инсон, шаҳрванд ва қонуният бо пешниҳоди Шӯрои Маҷлиси мазкур, мақоми ҷадид гирифтааст

    2935
  • Мулоқоти раисҷумҳури Русия Владимир Путин бо президенти Тоҷикистон Эмомалӣ Раҳмон

    Раисҷумҳури Русия унвонии президенти Тоҷикистон Эмомалӣ Раҳмон даъватнома барои иштирок дар 75 - умин солгарди ғалаба дар Ҷанги Бузурги Ватанӣ ирсол намудаст.

    614
  • Мошини БДА

    Додгоҳи ноҳияи Шаҳринав кашмакаши як ронандаи солхӯрда бо нозири роҳро, ки навори он ба интернет роҳ ёфта буд, баррасӣ карда, ронандаро ба андозаи беш аз 38 ҳазор сомонӣ ҷарима баст

    508