18:04 19 октябри 2019
Пахши мустақим
  • USD9.69
  • EUR10.80
  • RUB0.15
Туристы фотографируют посёлок городского типа Степанцминда (Казбеги) в Грузии, архивное фото

Савори қутос: хатсайри нави гардишгарӣ дар Мурғоб

Sputnik
Дар Тоҷикистон
Гирифтани линки кӯтоҳ
182 0 0

Масъулини ширкатҳои ҷаҳонгардӣ мегӯянд, сайёҳат бо қутос аз сайр бо мошин бартарӣ дорад, чун на ба сайёҳ хатаре таҳдид мекунад ва на ба табиат зараре мерасад

ДУШАНБЕ, 17 авг — Sputnik. Дар ноҳияи Мурғоби Вилояти Мухтори Кӯҳистони Бадахшон, хатсайри нави гардишгарӣ - сайр бо қутос, боз шудааст.

Бештари сокинони  Тоҷикистон шояд дар умри худ як ё ду бор аспу харсаворӣ карда бошанд, аммо ба кам касон муяссар шудааст, ки болои қутос савор шуда, дашту биёбонҳои беканорро давр зананд. Шавқу рағбати  сайёҳони хориҷӣ  барои сайру саёҳат бо қутос  хеле зиёд аст, аксари онҳо   барои  ҳамин азми сафари Мурғоби баландкӯҳ менамоянд, навиштааст хабарнигори минтақавии АМИТ “Ховар” Файзи МИРАСАН.  

Ба гуфтаи раиси Ассотсиатсияи сайёҳӣ, экологию фарҳангии Помир Зоолшо Асадшоев, “дар гузаштаи на чандон дур танҳо қутоспарварон ва аҳли хонаводаи онҳо ҳангоми кӯчбандӣ аз як чарогоҳ ба чарогоҳи дигар борҳояшонро ба қутос бор карда, худ низ ба он савор шуда, озими сафар мешуданд.

Аммо ҳоло ширкатҳои сайёҳӣ як хатсайри ҷадид ташкил кардаанд, ки тавассути қутос  сайёҳон аз пайроҳаҳои пиёдагард гузашта,  то баландии беш аз 3 ҳазор метр боло мебароянд. Мошинҳои мусофирбар имкон надоранд, ки сайёҳонро то ба қуллаи кӯҳ, ҷое ки гӯсфандони Марко Поло сукунат доранд, интиқол диҳанд”.

Ба гуфтаи масъулини ширкатҳои ҷаҳонгардӣ, сайёҳат бо қутос аз саёҳат бо мошин боз аз он ҷиҳат бартарӣ дорад, ки на ба сайёҳ хатаре таҳдид мекунад ва на ба табиат зараре мерасад.

Аз Анталия то Русия ба Тоҷикистон меоянд: имзои 40 санади ҳамкорӣ дар риштаи ҷаҳонгардӣ

Ба ҷуз ин яке аз шохаҳои Роҳи бузурги Абрешим маҳз аз ҳамин даштҳои ноҳияи Мурғоб мегузарад ва он замон одамон ин даштҳоро бо уштуру аспу қутос убур мекарданд. Сайёҳони қутоссавор низ чун аз ин дашти нопайдоканор мегузаранд, лаҳзае худро ҳамсафари ин корвон эҳсос мекунанд.

Як сайёҳи олмонӣ дар дафтари сабти хотираҳои Ассотсиатсияи сайёҳӣ, экологию фарҳангӣ навиштааст, ки "мо аз Германия омадем. Тоҷикистон ба мо бисёр маъқул аст. Лоиқи таҳсин аст, ки Ҳукумати Тоҷикистон ба ҳифзи ҳайвоноти ваҳшӣ диққати хосса медиҳад.

Дар ин сафар ман бори аввал болои қутос савор шуда, бисёр манзараҳои зеборо аз наздик тамошо кардам. Аксҳои зиёд гирифтам, бо мақсади он ки шояд агар ба дӯстони худ дар бораи ин сафарам қисса кунам, онҳо бовар намекунанд. Дар оянда кӯшиш мекунам, ки дӯстони худро низ ҳамроҳ ба ин ноҳияи баландкӯҳ биёрам".

Дар ноҳияи Мурғоб беш аз 2,5 миллион гектар масоҳати чарогоҳ мавҷуд буда, барои парвариши қутос  хеле мусоид аст. Қутос чаҳор фасли сол дар ин чарогоҳҳо барои худ ғизо пайдо мекунад. Танҳо дар сурати аз 20 см зиёд шудани ғафсии барф ба кумаки чорводорон ниёз пайдо мекунад.

Вазни баъзе аз намудҳои ин ҳайвон то ба як тонна мерасад.

Барчаспҳо:
сайёҳат дар Бадахшон, сайёҳат, гардишгарӣ, Мурғоб, Тоҷикистон

Мавзӯъҳои асосӣ