Дар Фархор то 30-солагии Истиқлолият 324 иншооти гуногун месозанд

© Sputnik / Амир ИсаевСтроительство аквапарка в Варзобе
Строительство аквапарка в Варзобе - Sputnik Тоҷикистон
Обуна шудан
Мақмоти Хатлон эълон намудааст, ки дар соли равон сохтмону навсозии 158 адад биною иншоот ба нақша гирифта шудааст

ДУШАНБЕ, 20 авг — Sputnik. Бино бар иттилои дафтари матбуоти мақомоти вилояти Хатлон, дар ноҳияи Фархор бахшида ба ҷашни 30- солагии Истиқлолияти Тоҷикистон бунёду ифтитоҳи 324 бинову иншоот ба нақша гирифта шудааст.

Стенд с надписью Я люблю Худжанд, архивное фото - Sputnik Тоҷикистон
Дар Хуҷанд то ҷашни 30-солагии Истиқлолият беш аз 300 иншоот бунёд мешавад

Тибқи нақша мақомоти ноҳия дар соли равон сохтмону навсозии 158 адад биною иншоот дар назар дошта шудааст.

“Инчунин дар соли оянда 79 адад ва дар соли 2021 сохтмону навсозии  36 адад иншооти гуногун дар назар аст. Дар соли гузашта дар ноҳия 51 иншоот бунёду навсозӣ шуданд”, - таъкид дошт манбаъ.

Спитамен ба ҷашни 30-солагии Истиқлолияти Тоҷикистон омодагӣ мегирад

Ҳамзамон мақомоти Хатлон қайд намудаанд, ки айни замон дар 64 иншооти хурди 10 ҷамоати шаҳраку деҳоти ноҳия корҳои сохтмонӣ идома дошта, аз ҷониби соҳибкорон ба итмом расонида мешаванд.

То соли 2021 дар ноҳия сохтмони 11 мактаби, 56 синфхонаи иловагӣ, 9 бунгоҳи тиббӣ, 15 коргоҳи дӯзандагӣ, корхонаи коркарди меваю сабзавот, бунёди 115 гектар боғҳои нав, 2 фермаи парандапарварӣ ва сохтмони дигар иншооти хурду бузург дар назар дошта шудааст.

Лентаи хабарҳо
0