18:50 08 декабри 2019
Пахши мустақим
  • USD9.68
  • EUR10.74
  • RUB0.15
Раҷаббой Аҳмадҳода ва собиқадори меҳнат Ҷура Бобоев 89-сола

Аҳмадзода ба аёдати ангурпарвари беҳтарин Ҷура Бобоеви 89-сола рафт

Исполнительный орган государственной власти Согдийской области
Дар Тоҷикистон
Гирифтани линки кӯтоҳ
141 0 0

Ҷура Бобоеви 89 сола аз соли 1960 ба токпарварӣ машғул буда, соли 2008 ҳамчун “Ангурпарвари беҳтарин” шинохта шуд

ДУШАНБЕ, 10 сен — Sputnik. Раҷаббой Аҳмадзода, раиси вилояти Суғд зимни сафари кориаш ба шаҳри Истаравшан ба аёдати собиқадори меҳнат ва дорандаи ордени “Шараф”, дараҷаи II​ Ҷура Бобоев рафт, иттилоъ додааст дафтари матбуоти ҳукумати вилояти Суғд.

Бино бар иттилои манбаъ, Ҷура Бобоеви 89 сола аз соли 1960 ба токпарварӣ машғул буда, соли 2008 ҳамчун “Ангурпарвари беҳтарин” шинохта шуда буд.

Мавсуф соҳиби 9 фарзанд, 34 набера ва 10 абера аст ва сарвари хоҷагии деҳқонии “Ҷура Саркор” мебошад.

“Ҷура Бобоев 14 гектар ток бунёд карда, дар парвариши навъҳои кишмиши сиёҳу сафед, ҳусайнӣ, чиллагӣ, соҳибӣ, калони сурху сафед, тагобӣ, ангури сурхак, васарға ва тоифӣ таҷрибаи бой дорад ва устоди кори худ мебошад”, таъкид намудааст манбаъ.

Тавре дафтари матбуоти ҳукумати Суғд хабар додааст, раиси вилоят зимни аёдат бо ин куҳансол суҳбат намуда, фаъолияти кории ӯро намунаи ибрат барои насли ҷавон арзёбӣ кардааст.

“Маҳз кору пайкори чунин шахсиятҳои соҳибтаҷриба барои пешрафти соҳаҳои хоҷагии халқи мамлакат мусоидат менамояд”, - зикр намудааст раиси вилояти Суғд.

Барчаспҳо:
аёдати собиқадор, раиси вилоят, раиси вилояти Суғд, вилояти Суғд, Раҷаббой Аҳмадзода, Тоҷикистон

Мавзӯъҳои асосӣ