СММ аз Тоҷикистон дархост кардааст, ки ба шиканҷашудагон ҷубронпулӣ пардохт намояд

© Sputnik / Сергей Гунеев / Гузариш ба медиабонк70-я сессия Генеральной Ассамблеи ООН
70-я сессия Генеральной Ассамблеи ООН - Sputnik Тоҷикистон
Обуна шудан
Кумитаи дифоъ аз ҳуқуқи башари Созмони Миллали Муттаҳид аз ҳукумати Тоҷикистон дархост кардааст, ки ба ду нафар аз шаҳрвандони ин кишвар, ки бедалел шиканҷа шудаанд, ҷубронпулӣ бипардозад

ДУШАНБЕ, 26 ноя — Sputnik. Ба гузориши хабаргузории “Parstoday”, ин кумита эълом кардааст, ки нируҳои полиси Тоҷикистон дар вилояти Суғд бидуни далел Илҳом Усмонов ва ҳамсараш Зарина Наҷмуддиноваро ба иттиҳоми даст доштан дар ҳамла ба идораи полиси шаҳри Хуҷанд дар соли 2010 боздошт ва шиканҷа кардаанд.

Шерхон Салимзода - Sputnik Тоҷикистон
Баррасии ҳамкориҳои Тоҷикистону СММ барои мубориза бо маводи мухаддир

 Коршиносони кумитаи дифоъ аз ҳуқуқи башари Созмони Миллали Муттаҳид бо баррасии  шикоятномаи ин зану шавҳар ба ин натиҷа расидаанд, ки нируҳои полиси Тоҷикистон бедалел иқдом ба боздошт, шиканҷа ва ворид кардани фишори рӯҳӣ- равонӣ ба ин оила кардаанд, ки намунаи поймолсозии ҳуқуқи башар ва уҳдадориҳои байналмиллалии ин кишвар аст.

Мақомоти Тоҷикистон дар посух ба ин дархост гуфтаанд, ки ду афсари полиси ин кишвар, ки дар шиканҷаи Илҳом Усмонов ва Зарина Наҷмуддинова даст доштаанд, муҷозот шудаанд; Ин дар ҳоле аст, ки мушаххас нест, ки муҷозоти ин ду афсари гуноҳкор чӣ будааст.

Дар ҳодисаи ҳамлаи маргталабонаи як шахс бо худрави дорои маводи тарканда ба идораи полиси шаҳр Хуҷанд дар рӯзи 3 сентябри соли 2010 , чаҳор ғайринизомӣ ва се маъмури полис кушта ва 26 тан низ захмӣ шуданд, ки 5 нафари онон раҳгузар будаанд.

Дар пайи ин ҳодиса Илҳом Усмонов боздошт ва ба иттиҳоми мушорикат дар ҳамла ба идораи полиси шаҳри Хуҷанд ба 8 сол зиндон маҳкум шуд ва зани вай низ таҳти фишори шадиди равонӣ қарор гирифт.

Баъдҳо маълум шуд онон ҳеҷ иртиботе бо ин ҳодиса надоштаанд.

Лентаи хабарҳо
0