Парлумони Тоҷикистон тавофуқномаи молӣ бо Бонки рушди Исломро тасвиб кард

© Sputnik / Стас ЭтвешДоллары на блюде
Доллары на блюде - Sputnik Тоҷикистон
Обуна шудан
Маҷлиси намояндагони Тоҷикистон тавофуқномаи молӣ бо Бонки рушди Исломӣ дар заминаи беҳдошт ва хадамоти беҳдоштӣ ба модар ва кӯдакро тасвиб кард

ДУШАНБЕ, 19 дек — Sputnik. Маҷлиси намояндагони Тоҷикистон тавофуқномаи давлати ин кишвар ва Бонки Тавсеаи Исломӣ дар заминаи беҳдошт ва хадамоти беҳдоштӣ ба модар ва кӯдакро дар 4 минтақаи устони Хатлон тасвиб кард, иттилоъ додааст хабаргузории “Форс”.

Государственный флаг Японии, архивное фото - Sputnik Тоҷикистон
Ҷопон 5 лоиҳа дар Тоҷикистонро маблағгузорӣ мекунад

Ба гуфтаи Юсуф Маҷидӣ, муовини Вазорати молияи Тоҷикистон, санади мазкур дар моҳи августи соли ҷории мелодӣ аз сӯи 2 тараф ба имзо расид.

Ин тарҳи бозсозӣ ва таҷҳизи амокини беҳдоштӣ дар 4 минтақаи устони Хатлони Тоҷикистон, аз ҷумла навоҳии Балҷувон, Данғара, Муъминобод ва Норакро мадди назар дорад. Тибқи изҳороти Маҷидӣ, маблағи куллии ин проект 27 миллион доллар аст, ки 14.5 миллион доллар аз он ба унвони вом ва 8.5 миллион доллари дигар ба шакли кумаки билоиваз дар ихтиёри тарафи тоҷик қарор мегирад.

Замони бозпардохти қарзи Бонки Рушди Исломӣ 20 сол аст.

Саҳми давлати Тоҷикистон дар иҷрои ин тарҳ ҳудуди 3 миллион доллар аст. Замони иҷрои ин тарҳ солҳои 2019 -2025 пешбинӣ шудааст.

Лентаи хабарҳо
0