Дар Тоҷикистон дар баробари афзоиши нархи манзил сохтмон низ афзоиш ёфтааст

© SputnikСтроительство нового дома в Душанбе
Строительство нового дома в Душанбе  - Sputnik Тоҷикистон
Обуна шудан
Кумитаи давлатии меъморӣ ва сохтмонсозии Тоҷикистон аз афзоиши қимати маскан дар ин кишвар, ҳамзамон бо рушди хонасозӣ хабар дод

ДУШАНБЕ, 8 янв — Sputnik. Кумитаи давлатии меъморӣ ва сохтмонсозии Тоҷикистон хабар додааст, ки таи 7 соли ахир дар ин кишвар наздик ба 8 миллион метри мураббаъ манозили маскунӣ ба баҳрабардорӣ расида, ки дар ду соли ахир ин раванд бо афзоиши қимати хонаҳо ҳамроҳ будааст, иттилоъ додааст хабаргузории “Parstoday”.

Строители на встрече с президентом Эмомали Рахмоном - Sputnik Тоҷикистон
Дар маркази Душанбе шаҳраки нав ба истифода дода мешавад

Аз сӯи дигар, таи 28 соли истиқлоли Тоҷикистон барои сохти хона ба мардуми ин кишвар, беш аз 135 ҳазор гектар замин вогузор шудааст.

Гуфта мешавад, ки дар соли 2018 қимати ҳар метри мураббаъ хонаи навсоз дар маркази шаҳри Душанбе, 626 дорлла ва дар атрофи пойтахти Тоҷикистон 350 то 400 доллар буд.

Аммо ин шохис дар соли 2019 тағйир кард ва қимати ҳар метри мураббаъ хонаи навсоз дар маркази шаҳри Душанбе ба 900 то 1000 доллар ва дар атрофи он ба 700 то 800 доллар расид.

Коршиносон мӯътақиданд, афзоиши қимати маскан дар шаҳри Душанбе ба тағйири қиматҳо дар бозори масолеҳи сохтмонӣ ва маводи ғизоии Тоҷикистон низ иртибот дорад, ки рушди 30 дарсадиро нишон медиҳад.

Лентаи хабарҳо
0