ДУШАНБЕ, 11 янв — Sputnik. Миқдори меваи бардошташуда дар соли 2019 дар муқоиса бо соли 2018 беш аз 5 дарсад афзоиш ёфтааст, навиштааст хабаргузории ТоҷикТА.
Манбаъ аз қавли Вазорати кишоварзии Тоҷикистон, тавзеҳ додааст, ки ҳаҷми тавлиди мева соли гузашта 5,7 дарсад рушд кард.
Ба иттилои Вазорат, соли 2019 ангурпарварони кишвар низ ҳосили хуб бардошта, дар ин муддат дар сартосари Тоҷикистон беш аз 239,7 ҳазор тонна ангур бардошта шуд.
Гузориш дар бораи афзоиши тавлиди мева дар Тоҷикистон дар ҳолест, ки тоҷирони тоҷик талош доранд, меваю сабзавоти кишварро ба бозорҳои хориҷ бароранд.
