Ронандаҳо нигаронанд: иҷозатномаи сиёҳ кардани шишаи мошинҳо гарон шуд

© PixabayТонированное стекло у машины, архивное фото
Тонированное стекло у машины, архивное фото - Sputnik Тоҷикистон
Обуна шудан
Бар асоси нархномаи нав ронандагони тоҷикро лозим аст, ки барои сиёҳ кардани шишаи мошинҳои соли истеҳсолашон аз соли 2005 боло ба идораи БДА, 4988 сомонӣ пардохт кунанд.

ДУШАНБЕ, 14 янв — Sputnik. Арзиши сиёҳ кардани шишаи мошинҳо дар Тоҷикистон то 28 дар сад боло рафтааст.

Мэр Душанбе Рустам Эмомали - Sputnik Тоҷикистон
Ҳукумат пешниҳоди Рустами Эмомалӣ дар бораи шишаҳои сиёҳ ва амниятро қабул кард

Бар асоси нархномаи нав ронандагони тоҷикро лозим аст, ки барои сиёҳ кардани шишаи мошинҳои соли истеҳсолашон аз соли 2005 боло ба идораи БДА, 4988 сомонӣ пардохт кунанд.

Дар соли гузашта нархи чунин иҷозатнома, ки ҳамагӣ як сол эътибор дорад, 3750 сомонӣ буд.

Ронандаҳои тоҷик мегуянд, ҳамин тавр нархи иҷозатномаи сиёҳ кардани шишаи мошинҳои соли бароришашон аз соли 2005 поён ҳам ба андозаи 3770 сомонӣ гарон шудааст. Соли гузашта иҷозатномаи сиёҳ кардани оинаи чунин мошинҳо 3570 сомонӣ муқарар шуда буд.

Қарори Ҳукумат барои афзоиши нархи сиёҳкунии шишаи мошин ва ироаи роҳҳои арзонтар

Тибқи нархномаи нав, сиёҳ кардани оинаи пушти нақлиёт 400 сомонӣ ва танҳо шишаи ду дари қафо ба 2100 сомонӣ баробар шудааст.

Барои мошинҳое, ки бо шишаҳои сиёҳ ба Тоҷикистон ворид мешаванд танҳо даҳ рӯз муҳлат дода мешавад то соҳибонаш аз БДА бо пардохт кардани акнун 4988 сомонӣ иҷозатнома бигиранд. Дар сурати нагирифтани чунин иҷозатнома вазифадоранд, ки шишаҳои сиёҳро пок кунанд.

Шуморе аз ронандаҳои тоҷик мегуянд, гарон шудани арзиши иҷозатномаи мошинҳои сиёҳшиша ба ҷайби онҳо зарба мезанад. Комил як ронандаи тоҷик дар суҳбат бо Sputnik Тоҷикистон иброз намуд, ки ҳарчанд баъзеҳо сиёҳ кардани шишаи мошинҳоро нишон аз дороии молу сарват мепиндоранд, аммо ӯ ин корро барои эмин нигоҳ доштани салони мошин аз нури офтоб муфид медонад.

"Дар фасли баҳору тобистон гармии ҳаво аз ҳисоби нури офтоб хеле меафзояд. Ин ҳол ба фарсудашавии салони мошин таъсир расонида метавонад. Барои хуб нигоҳ доштани ҳолати мошин, мо шишаҳоро сиёҳ мекунем", -  гуфт ӯ.

Баъзеи дигар ронандаҳо сиёҳ кардани оинаи мошинҳоро на ба хотири зебоӣ, балки ин корро як амри зарурӣ меҳисобанд.

Чанд сол пеш мақомоти Тоҷикистон ба ҳисоби мошинҳои хидматии ашхоси баландмақоми давлатӣ, барои сиёҳ кардани шишаи мошинҳои сокинон иҷозат дод. Он замон гуфта мешуд, ки ҳамаи маблағи аз ҳисоби сиёҳ кардани шишаи мошинҳо дар Тоҷикистон ба дастомада барои сохтмони НОБ "Роғун" равона карда мешавад.

Лентаи хабарҳо
0