Портфели - Sputnik Тоҷикистон
Тағйироти кадрӣ дар Тоҷикистон
Хабарҳои дигари таъйину барканориҳо дар Тоҷикистонро аз ин пайванд пайдо мекунед

Таъини вазирони нави фарҳанг, иқтисод, маориф, ёрдамчии Раҳмон ва раиси Кумитаи телевизион

© Foto / Хадамоти матбуоти Президенти УзбекистонЭмомали Рахмон подписывает документы на заседании глав государств СНГ в Душанбе
Эмомали Рахмон подписывает документы на заседании глав государств СНГ в Душанбе - Sputnik Тоҷикистон
Обуна шудан
Эмомалӣ Раҳмон, раисиҷумҳури Тоҷикистон бо имзои як фармон Маҳмадюсуф Имомзодаро, ки то ҳол ректори Донишгоҳи миллии Тоҷикистон буд, вазири маориф ва илм таъин кардааст

ДУШАНБЕ, 24 янв — Sputnik. Нуриддин Саид, ки то ҳол мақоми вазири маорифи Тоҷикистонро ба уҳда дошт, раиси Кумитаи радио ва телевизион таъин гардид. Ӯ дар ин мақом Маҳмадсаид Шоҳиёнро иваз кард. Шоҳиён, ки ҳунарманди шинохтаи Тоҷикистон мебошад, ба мақоми роҳбари муассисаи давлатии "Тоҷикфилм" таъин шудааст.

Генерал-майор Искандарзода Муҳаммадшоҳ Амиршоҳ бо либоси низомӣ  - Sputnik Тоҷикистон
Раҳмон генерал-майор Шоҳ Искандарро барканор кард

Як манбаъ дар вазорати маорифи Тоҷикистон бо таъйиди таъиноти нав ба Sputnik Тоҷикистон гуфт, сарвазир Қоҳир Расулзода вазири нави маорифро муаррифӣ кард.

Инчунин Шамсиддин Орумбекзода, вазири фарҳанги Тоҷикистон, ки ахиран вазири сол эълон шуд, аз мақом барканор ва ба ҷои ӯ Зулфия Давлатзода таъин гардидааст. Зулфия Давлатзода қаблан дар мақоми муовини раиси Кумитаи кор бо занон ва оила кор кардааст. Гуфта мешавад, ки Орумбекзода ба нафақа гусел карда шуд, аммо расман ин иттилоъ то ҳол тасдиқ нагардидааст.

Вазири дастрас: Шамсиддин Орумбекзода вазири сол эълом шуд - видео

Инчунин Завқӣ Завқизода, ки то ҳол муовини вазири рушди иқтисод ва савдои Тоҷикистон буд, Неъматулло Ҳикматуллозодаро дар мақоми вазири рушди иқтисод ва савдо иваз кардааст. Гуфта мешавад, Ҳикматуллозода ёрдамчии раисиҷумҳури Тоҷикистон дар масоили иқтисодӣ таъин гардидаст.

Аҳтам Абдуллозода, ки то ҳол раиси Кумитаи ҷавонон ва варзиши Тоҷикистон буд, мақоми муовини аввали роҳбари Дастгоҳи иҷроияи раисиҷумҳури Тоҷикистон гирифтааст.

Расман фармони таъиноти барканориҳои ахир ҳанӯз дар сомонаи раисиҷумҳури Тоҷикистон нашр нагардидаанд.

Тафсилоти бештари тағйироти кадрӣ ба зудӣ дар ин саҳифа нашр мешавад.

 

Лентаи хабарҳо
0