Муроҷиати Шӯрои ВАО-и Тоҷикистон: ҳама аз як гиребон сар барорем

© Sputnik / © Sputnik / Стас ЭтвешПродажа газет, архивное фото
Продажа газет, архивное фото - Sputnik Тоҷикистон
Обуна шудан
Шӯрои воситаҳои ахбори оммаи Тоҷикистон аз мақомоти масъули давлатӣ ва ҷомеаи рӯзноманигорӣ хостааст, ки ҳамагӣ аз як гиребон сар бароварда, ҷиҳати паст кардани шиддати бемории коронавирус ва наҷоти ҳарчи бештари мардум, кӯшишҳои дастаҷамъона анҷом дода шаванд

ДУШАНБЕ, 2 май — Sputnik. Таъсиси Маркази матбуот бо ҷалби мутахассисони риштаҳои дахлдор ва роҳбарии рӯзноманигори ҳирфаӣ дар назди Ситоди ҷумҳуриявӣ оид ба пешгирӣ аз паҳншавии бемории коронавирус - КОВИД-19, ки таҳти роҳбарии Сарвазири мамлакат амал дорад, аз тасмимҳои таъхирнопазири мақомоти давлатӣ бояд бошад, таъкид кардааст Шӯро.

Дезинфекция  - Sputnik Тоҷикистон
Ҷаҳиши нархи хлору ниқоб дар Суғд

“Ин Маркази матбуот нақши робита бо ҷомеаро низ бояд дошта бошад, ки ҳаррӯза тавассути шабакаҳои ТВ-и кишвар аз вазъи ҷорӣ ва амалкардҳои Ситоди ҷумҳуриявӣ хабар дода, вокуниш ва робитаи мардумро бо Ҳукумат таъмин намояд”, - омадааст дар муроҷиатнома.

Дар ин замина, Шӯрои воситаҳои ахбори оммаи Тоҷикистон ба вазорату идораҳои масъули кишвар, бахусус Вазорати тандурустӣ ва ҳифзи иҷтимоии Ҷумҳурии Тоҷикистон муроҷиат намуда, хоҳиш намудаст, ки фаъолияти бахши иттилоотии худро тақвият диҳанд.

Дар ҳамоҳангӣ бо Ситоди ҷумҳурявӣ ба ҷомеа ахбори саҳеҳро дар мавриди вазъи баамаломада ва тадбирҳое, ки андешида мешаванд, саривақт дастрас намоянд, то дар расонаҳои дохилу хориҷи кишвар, сомонаҳо ва шабакаҳои иҷтимоӣ боиси паҳн шудани гумону тахминҳои ғалат нагардад, зеро ҳаргиз ба манфиати давлат ва ҷомеа нест.

Мэр города Душанбе Рустам Эмомали - Sputnik Тоҷикистон
Дастури таъсиси беморхонаҳои муваққатӣ барои 3 ҳазор бемори коронавирус дар Душанбе

Шӯро зикр намудааст, ки дар масъалаи ҳамкорӣ бо рӯзноманигорон ба фосилагирӣ ва фурсатталабӣ роҳ дода нашавад. Таъкид гардидааст, ки ҷомеаи рӯзноманигории кишвар яке аз сутунҳои устувори ҷомеаи шаҳрвандӣ буда, тайи чанд моҳи охир собит намуд, ки тамоми нерӯ ва иродаи худро ҷиҳати бартараф намудани шиддати ин беморӣ ва дастгирии давлату ҷомеа равона намудааст.

“Ҳамчунин, мо дар шароити баамаломада, таъсис ва роҳандозии як пойгоҳи иттилоотии мутамарказеро, ки фаъолияти шаффоф ва шаборӯзӣ дорад, зарур ва ба нафъи кор медонем”, - омадааст дар муроҷиатнома.

Шӯрои Воситаҳои ахбори оммаи Тоҷикистон аз ҷомеаи рӯзноманигории ватанӣ ҳам хоҳиш менамояд, ки ҳангоми нашру паҳн кардани иттилоъ аз сарчашмаҳои муътамад кор гиранд, аз паҳн шудани ахбори нодуруст ва беэътимод ҷилавгирӣ намоянд, то боиси эҷоди ваҳму изтироб дар ҷомеа нагардад.

Лентаи хабарҳо
0