Даргузашти боз як генерал: пас аз як моҳи нафақа ва се рӯзи маризӣ

© из личного архива Зиёратшо ГайратшозодыГенерал Зиёратшо Гайратшозода
Генерал Зиёратшо Гайратшозода - Sputnik Тоҷикистон
Обуна шудан
Генерал Зиёратшо Ғайратшозода, ки то 1 майи соли равон сардори Раёсати адлияи Вилояти мухтори Кӯҳистони Бадахшон буд, дар синни 63 – солагӣ аз олам чашм пӯшид

ДУШАНБЕ, 26 июн — Sputnik. Масрур Ғайратшозода, бародарзодаи марҳум ба Sputnik Тоҷикистон гуфт, пас аз се рӯзи анҷоми хизмати давлатӣ ӯ барои истироҳат ба зодгоҳаш омад, аз сиҳатиаш шикоят надошт, аммо се рӯзи қабл аз марг ба дарди миён печид.

“Пас аз доруву дармон ба по шуд ва берун ҳам мебаромад. Дирӯз, 25 июн, тақрибан соатҳои 6 ба ман занг зад, ки биё, мазаам нест. Бо иттифоқи пизишкон ба ҳузураш рафтам, аммо на дору кӯмакаш кард, на сӯзандорӯ. Дар гузашта як бор соли 2005 инфаркт гирифта, соли 2018 низ дилаш се дақиқа аз кор монда буд. Хулоса, як соат нагузашта, дилаш аз кор монд”, - гуфт Масрур Ғайратшозода.
Генерал-майор Шамсзода Абдуҷаббор Саймумин, собиқ роҳбари Дастгоҳи Маҷлиси миллии Тоҷикистон - Sputnik Тоҷикистон
Даргузашти генерал Шамсзода, собиқ вакилу ноиби вазир-акс

Ғайратшозода Зиёратшо Пирумшо 15 апрели соли 1957 дар деҳаи Рохарви ноҳияи Ванҷи Вилояти мухтори Кӯҳистони Бадахшон ба дунё омада, факултаи ҳуқуқшиносии Донишгоҳи давлатии Тоҷикистон ба номи В. И. Ленин (ҳоло Донишгоҳи миллии Тоҷикистон) – ро хатм кардааст.

Моҳи июни соли 1978 ба фаъолиятҳои расмии худ шурӯъ карда, то соли 1990 навбатдори фаврӣ ва муффаттиши шӯъбаи корҳои дохилӣ ва иҷрочии суди ноҳияи Ванҷ буд.

Баъдтар дар вазифаҳои ёрдамчии калони прокуратураи шаҳрҳои Хоруғу Душанбе ва прокурори ҳарбии гарнизони Хоруғ (1990-1998), судяи Суди шаҳри Хоруғ (1998-2000), сардори Ситоди ҳолатҳои фавқулодда ва мудофиаи граждании ноҳияи Ванҷ, сардори шӯъбаи маъмурӣ-ҳуқуқии дастгоҳи раиси ВМКБ ва роҳбари дастгоҳи раиси ноҳияи Ванҷ (2005-2015) кор кардааст.

"Ҳамлаи пневмония" ба генералҳои ВКД: бидуни талафот

Соли 2015 Зиёратшо Ғайратшозода сардори Раёсати адлияи ВМКБ таъин шуд. Соли 2018 бо амри президенти Тоҷикистон рутбаи хизматии генерал-майори адлияро ба даст овард.

“Ӯ бо хоҳиши худ аз мансабаш канор рафт. Мехост истироҳат кунад ва дар ҷамъи пайвандону дӯстон бошад. Мегуфт, ёддоштҳояшро хоҳад навишт. Аммо насиб накард”, - гуфт бародарзодааш Масрур Ғайратшозода.

Генерал – майор Зиёратшо Ғайратшозода бегоҳии 25 июн дар зодгоҳаш ба хок супурда шуд.

Лентаи хабарҳо
0