Врачи - Sputnik Тоҷикистон
Коронавирус дар Русия ва ҷаҳон: охирин хабару гузоришҳо
Созмони ҷаҳонии беҳдошт моҳи марти соли 2020 пандемияи коронавирус эълон кард

Тоҷикистон дар давраи пандемия аз 15 давлат беш аз 4 ҳазор тоҷикистониро ба ватан овард

© Sputnik / Александр Кряжев / Гузариш ба медиабонкПассажиры, прибывшие в Новосибирск, направлены на карантин в обсерваторы
Пассажиры, прибывшие в Новосибирск, направлены на карантин в обсерваторы - Sputnik Тоҷикистон
Обуна шудан
Сар аз моҳи марти соли ҷорӣ, замоне, ки маризии коронавирус ҷаҳонро домангир шуд, Тоҷикистон тавассути парвозҳои чартерӣ беш аз 4 ҳазор тоҷикистониро ба ватан интиқол дод

ДУШАНБЕ, 27 июл – Sputnik. Аз давраи қатъи равобити ҳавоии Тоҷикистон бо дигар давлатҳо, беш аз 4 000 тоҷикистонӣ аз кишварҳои хориҷ ба ватан оварда шуданд. Дар ин роҳбари Агентии авиатсияи граждании Тоҷикистон Икром Субҳонзода зимни нишасти матбуотӣ хабар дод.

Пассажирский самолет  - Sputnik Тоҷикистон
Тоҷикистон парвозҳои байналмилалиро ба АМА дубора барқарор мекунад

Бар тибқи маълумоти агентӣ, аз мобайнҳои моҳи март Тоҷикистон самти Озарбойҷон, Афғонистон, Олмон, Ҳиндустон, Эрон, Италия, Қазоқистон, Кувайт, Аморати Муттаҳидаи Араб, Покистон, Полша, Русия, Туркия, Ӯзбекистон ва Украина парвозҳои чартериро пиёда кард.

Фаврӣ: 13 парвози дигар аз Русия ба Тоҷикистон дар моҳи июл - ҷадвали парвозҳо

Ёдовар мешавем, Тоҷикистон аз 20 - уми март, бинобар бурузи маризии сироятии коронавирус ва ҷилавгирӣ намудан аз паҳншавии ин беморӣ дар кишвар, равобити ҳавоиро бо дигар давлатҳо масдуд намуд. 

Ҳамзамон, ба хотири пешгирӣ намудан аз паҳншавии ин вирус, шаҳрвандоне, ки тариқи парвозҳои чартерӣ ба Тоҷикистон ворид мешуданд, ба қарантини 14 рӯза фаро гирифта мешуданд.

Вазорати тандурустии Тоҷикистон расман аз бурузи ин маризӣ дар кишвар рӯзи 30 - уми апрел хабар дод. То ҳол наздики 6 000 нафар дар Тоҷикистон ба коронавирус мубтало гардида, дасти кам 59 нафар қурбон шуданд.

Лентаи хабарҳо
0