Бархе кӯчаҳои Душанбе беоб мемонанд

© PixabayКран в ванной комнате, архивное фото
Кран в ванной комнате, архивное фото - Sputnik Тоҷикистон
Обуна шудан
Шаҳрдории Душанбе бо нашри як эълон ба сокинони пойтахт ҳушдор додааст, ки об захира кунанд, зеро интиқоли он қатъ мешавад

 ДУШАНБЕ, 30 июл – Sputnik. Бино бар иттилои манбаъ, аз соати 22:00-и 3 август то соати 23:00-и 4 август бархе кӯчаҳо беоб мемонанд.

Гуфта мешавад, қатъи об бо сабаби  иҷрои корҳо ҷиҳати пайваст намудани шоҳқубури хобонидашудаи қутраш 1200 мм ба шоҳқубури амалкунанда  дар хиёбони Ҳ.Шерозӣ роҳандозӣ мешавад.

Ҳамин тавр, интиқоли оби нӯшокӣ дар кӯчаҳои А.Мухторов, Камола, Нодира, Хуҷамбиёи боло, Хуҷамбиёи поён, Шафақи ноҳияи Исмоили Сомонӣ, маҳаллаҳои  Шодоб ва Арғувони ноҳияи Синои шаҳри Душанбе  қатъ мегардад. 
ЛЭП. Архивное фото - Sputnik Тоҷикистон
Мақомоти Афғонистон: Тоҷикистон бино бар камбуди об содироти барқро қатъ кард

"Тибқи қарори дахлдори Раиси шаҳри Душанбе  раисони ноҳияҳои Исмоили Сомонӣ, Сино ва директори Корхонаи воҳиди давлатии "Обу корези Душанбе" вазифадор гардидаанд, ки дар давраи иҷрои корҳои нақшавӣ бо истифода аз мошинҳои обкаш сокинони минтақаҳои номбурдаро бо оби нӯшокӣ таъмин намоянд",-афзудааст манбаъ.

Ҳамчунин Маркази назорати давлатии санитарию эпидемиологии шаҳри Душанбе уҳдадор гардидааст, ки дар ҷараёни иҷрои корҳои таъмирӣ таъмини аҳолиро бо оби нӯшокӣ мутобиқ ба талаботи санитарию эпидемиологӣ таҳти назорат қарор диҳад.

Дар Тоҷикистон лимити барқ ҷорӣ мешавад

Мақомоти иҷроияи ҳокимияти давлатии шаҳри Душанбе аз истиқоматкунандагони маҳаллаю кӯчаҳои зикргардида хоҳиш  менамояд, ки миқдори зарурии оби нӯшокиро  барои як шабонарӯз захира намоянд.

Лентаи хабарҳо
0