12:52 28 сентябри 2020
Пахши мустақим
  • USD10.33
  • EUR12.02
  • RUB0.13
Дар Тоҷикистон
Гирифтани линки кӯтоҳ
Пайомадҳои COVID-19 дар Тоҷикистон ва ҷаҳон (745)
2517 0 0

Манобеъи маҳаллӣ ба Sputnik Тоҷикистон гуфтанд, ки дар пайи шуюъи "вируси корона" дар деҳаи Басмандаи ноҳияи Деваштич чор мавриди мусбат сабт ва даҳҳо нафар гирифтор шудаанд

ДУШАНБЕ, 8 авг — Sputnik. Ба қавли сокинони деҳа, дар ҳоли ҳозир ҳудуди 20 нафар дар пайи боло рафтани ҳарорати бадан ба шифохонаи марказии ноҳияи Деваштич, воқеъ дар шаҳраки Ғончӣ интиқол ёфтаанд.

"Аксари онҳое, ки нишонаҳои гирифторӣ ба "вируси корона" – ро доранд, аммо тасфашон он қадар баланд нест, дар хонаҳояшон таҳти назорати духтурон қарор гирифтаанд", - гуфтанд ҳамсуҳбатони мо.

Дар суҳбат бо Sputnik Тоҷикистон дар шифохонаи марказии ноҳияи Ғончӣ инро, ки чандин нафар аз деҳаи Басманда бо гумони гирифторӣ ба “вируси корона” бистарӣ шудаанд, таъйид карданд.

Яке аз пизишкони ин шифохона гуфт, 17 нафар ба ин гумон бистарӣ шуда, ташхиси чор нафари онҳо мусбат арзёбӣ шудааст.

Коронавирус ба раванди муҳоҷирати меҳнатӣ аз Тоҷикистон чӣ гуна таъсир расонд

"Аммо вазъи ҳеҷ яке аз онҳо нигаронкунда нест. Ҳарорати бадани аксари онҳо аз 39 дараҷа пойин аст. Рӯзи душанбе 5 тани онҳоро рухсат хоҳем кард", - гуфт ҳамсуҳбати мо.

Дар ҳамин ҳол, бино ба иттилои дарёфтӣ, ҳудуди 60 пизишку мутахассиси шифохонаи марказии ноҳия, ҳамчунин шифохонаи минтақаии Калининобод ва худи духтурони деҳа барои назорати вазъ эъзом шудаанд.

Яке аз ин пизишкон мегӯяд, онҳо хона ба хона гашта, мардумро ташхис мекунанд ва он хонаводаҳоеро, ки мариз доранд, таҳти табобат қарор додаанд.

"Ҳамарӯза аз ноҳияву вилоят низ раҳбарони идораҳои тандурустӣ ва мутахассисон ба деҳа омада, бо вазъ ошно мешаванд. Як ҳайат аз вазорати тандурустии кишвар ҳам дар роҳ аст. Хурсандиовар ин аст, ки вазъи ҳеҷ яке аз гирифторон вазнин нест. Ҳолати ҳамагӣ миёна аст ва умдатан илтиҳоби шуш дар шакли сабукро таҷриба мекунанд. Ҳолати нафастангӣ аслан вуҷуд надорад ва зарурат ба асбобҳои нафасдиҳии сунъӣ ҳам дар ҳоли ҳозир нест", - гуфт ҳамсуҳбати Sputnik Тоҷикистон.

Ба қавли сокинони Басманда, маҳаллаҳое, ки маризони зиндагӣ мекунанд, аз сӯи ниҳодҳои зирабти давлатӣ уфунатзудоӣ ё дезинфексия мешаванд ва ҳаракати сокинон дар деҳа таҳти назорат гирифта шудааст.

акс аз сафҳаи фейсбукии ""Басманда
Деҳаи Басманди ноҳияи Деваштич

Бо ин вуҷуд, онҳо аз ташдиди вазъи сиҳӣ изҳори нигаронӣ мекунанд, чун ҳанӯз шурӯъи кор аст. Басманда бузургтарин деҳаи ноҳияи Деваштич (собиқ Ғончӣ) буда, дар 30 – километрии Ғончӣ, маркази ноҳия ҷойгир аст ва беш аз 12 ҳазор сокин дорад.

Мавзуҳо:
Пайомадҳои COVID-19 дар Тоҷикистон ва ҷаҳон (745)
Барчаспҳо:
маризӣ, Деваштич

Мавзӯъҳои асосӣ