20:47 30 сентябри 2020
Пахши мустақим
  • USD10.33
  • EUR12.09
  • RUB0.13
Дар Тоҷикистон
Гирифтани линки кӯтоҳ
393 0 0

Аз 20 ҳазору 509 нафари азнавбақайдгирифта 12 ҳазору 750 нафарашон ба ихтисосҳои интихобнамудаашон роҳ ёфтаанд

ДУШАНБЕ, 19 авг — Sputnik.  Маркази миллии тестӣ натиҷаҳои тақсимоти такрории довталабонро дар Имтиҳонҳои Марказонидаи Дохилшавӣ ба муассисаҳои таълимии таҳсилоти миёна ва олии касбии Ҷумҳурии Тоҷикистон дар соли  равон ҷамъбаст намуд.

Аз 20 ҳазору 509 нафари азнавбақайдгирифта 12 ҳазору 750 нафарашон ба ихтисосҳои интихобнамудаашон роҳ ёфтаанд. 

Тақсимоти такрории довталабон дар асоси баллҳои умумии бадастовардаашон, ки қаблан сурат гирифта буд,  муайян гардид.

"Довталабоне, ки тибқи натиҷаҳои озмуни тақсимоти такрорӣ ба муассисаҳои таълимӣ мувофиқи яке аз комбинатсияҳои ихтисосҳои интихобкардаашон комёб гардидаанд, бояд то  22 август ба муассисаи таълимии таҳсилоти миёна ё олии касбии дахлдор ҳозир шуда, ҳуҷҷатҳои заруриро супоранд", - эълон мекунад Маркази миллии Тоҷикистон.

Ҳуҷҷатҳои зарурӣ ариза ба номи ректор ё директори муассисаи таълимӣ, ҳуҷҷат дар бораи таҳсилот (диплом ё аттестат), маълумотномаи тиббӣ (шакли 038-у), 6 дона сурат (андозаи 3х4см), маълумотнома аз ҷойи зист, шиноснома (асл ва нусха) ё ҳуҷҷати тасдиқкунандаи шахсият бо сурат, ки мақоми ваколатдори давлатӣ додааст (шаҳодатнома дар бораи таваллуд барои довталабони дорои таҳсилоти умумии асосӣ – синфи 9-ум), билети ҳарбӣ (агар дошта бошад) ё шаҳодатномаи ҳарбии даъватшаванда (барои мардон), нусхаи дафтарчаи меҳнатӣ (агар собиқаи корӣ дошта бошад) мебошанд.

Муҳим: Маркази миллии тестӣ имтиҳонро дар асоси тарҳи нав доир мекунад

Тибқи тартиби муқарраргардида, дар сурати то 22 август ба муассисаи таълимии таҳсилоти миёна ё олии касбии дахлдор ҳозир нашудани довталаб ва ҳуҷҷатҳои заруриро пешниҳод накардан ӯ аз ҳуқуқи қабул шудан ба муассисаи таълимӣ маҳрум мегардад.

Довталабон метавонанд, ки дархост ё саволҳои худро ба нишонии почтаи электронии Марказ пешниҳод намоянд.

Ёдовар мешавем, ки соли равон дар ду марҳалаи бақайдгирӣ барои иштирок дар  ИМД заминаи таҳсилоти миёнаи умумӣ, синфи 11‑ум, ибтидоӣ ва миёнаи касбӣ ҳамагӣ 100 398 нафар довталаб аз қайд гузаштанд, ки ин шумора нисбат ба соли 2019 5624 нафар ва нисбат ба соли 2018 4579 нафар зиёд мебошад.

 

 

 

 

 

Мавзӯъҳои асосӣ