Аҳолӣ ва корхонаҳои шаҳри Бохтар аз истифодаи об 5 миллион сомонӣ қарздор шуданд

© SputnikКак душанбинцам живется без водопровода
Как душанбинцам живется без водопровода - Sputnik Тоҷикистон
Обуна шудан
Ташкилоту идораҳои шаҳри Бохтар, аҳолӣ ва дигар муштариён дар назди Корхонаи давлатии фаръии обтаъминкунӣ ва канализатсияи шаҳри Бохтар беш аз 5 миллион сомонӣ қарздор мебошанд, ки ин боиси нигаронии масъулони корхонаи мазкур гардидааст

ДУШАНБЕ, 21 авг — Sputnik. Роҳбари корхонаи давлатии фаръии обтаъминкунӣ ва канализатсияи шаҳри Бохтар Абдукарим Яров дар суҳбат ба рӯзномаи “Фараж” таъкид намудааст, ки аз сабаби саривақт пардохт нашудани ҳақи истифодаи об  корхонаи давлатии фаръии обтаъминкунӣ ва канализатсияи шаҳри Бохтар дар назди нозироти андози шаҳр ба маблағи зиёда аз 2 миллион сомонӣ қарздор аст.

Министр труда Таджикистана Джабборзода Гулру - Sputnik Тоҷикистон
Қарзи музди меҳнат: 20 миллион сомонӣ ва муҷозоти 38 корфармо

Манбаъ гуфт, аз 5 миллион қарзи об се миллионаш аз аҳолӣ буда, боқӣ ба ташкилоту идораҳои шаҳрию вилоятӣ рост меояд.

Навсозии лӯлаи обу ташноб дар Хоруғ баъди 60 сол

“Барои баргардонидани қарзҳо ба  мақомоти қудратӣ мактуб кардем, то қарз баргардонида шаваду мо низ андози давлатро супорем”,  - гуфт Абдукарим Яров.

Ҳамчунин, номбурда бо нигаронӣ қайд кардааст, ки айни замон беш аз 20 дарсади қубурҳои обгузар дар ҳолати бад қарор доранд,  ва ин ҳолат боиси зиёд ба амал омадни садама мешавад.

Лентаи хабарҳо
0