ДУШАНБЕ, 31 авг — Sputnik. Вазорати корҳои дохилаи Тоҷикистон аз ҳодисаи кордкашӣ дар маркази вилояти Хатлон шаҳри Бохтар хабар додааст.
Бино бар иттилои манбаъ, ҳодиса 22 август, тахминан соатҳои 2-и шаб рух додааст.
"Ба ШВКД дар шаҳри Бохтар бо ариза марди 35-солаи сокини шаҳри Бохтар муроҷиат намудааст, ки шаби 21 ба 22-юми августи соли 2020, тахминан соати 01:30-дақиқа, ҳангоми дар кӯчаи Кайҳоннавардони шаҳри мазкур, дар назди мағозаи хӯроквории бо номи “Муҳсин» қарор доштанаш марди 34-солаи сокини ҳамин шаҳр бе ягон асос ӯро дашномҳои қабеҳ гуфта, бо корд 1-маротиба ба поёни қафаси синааш задааст", - тавзеҳ медиҳад манбаъ.
Аз рӯи ҳодисаи мазкур тафтишот идома дорад.
Кордкашӣ дар клуби "Шоми Хатлон" дар дуи шаб: ҷабрдида дар беморхона ҳалок шуд
Ин дар ҳолест, ки чанде пеш дар шаҳраки Саразм додаре бо 8 зарбаи корд бародари 62-солаашро кушта буд.
Таҳқиқи ҳодисаҳо идома дорад.
