20:19 30 сентябри 2020
Пахши мустақим
  • USD10.33
  • EUR12.09
  • RUB0.13
Дар Тоҷикистон
Гирифтани линки кӯтоҳ
167901

Комиссияи марказии интихобот ва раъйпурсии Тоҷикистон таҳти раёсати Бахтиёр Худоёрзода номзадҳо ба мақоми президентиро сабт кардааст

ДУШАНБЕ, 13 сен — Sputnik.  Тибқи иттилои КМИР, имрӯз дар ҷаласа таҳти раёсати Худоёрзода, масъалаҳои марбут ба ташкил ва гузаронидани интихоботи Президенти Тоҷикистонро, ки 11 октябри соли 2020 дар назар аст, баррасӣ карданд.

Комиссияи марказӣ ҳуҷҷатҳои воридгардидаи номзадҳоро мувофиқи талаботи қонун баррасӣ карда, номзадҳои ба мансаби Президенти  Тоҷикистон, аз ҷумла Рустам Латифзода аз ҷониби Ҳизби Аграрии Тоҷикистон, Абдуҳалим Ғаффорзода аз ҷониби Ҳизби Сотсиалистии Тоҷикистон, Эмомалӣ Раҳмон аз ҷониби Федератсияи иттифоқҳои касабаи мустақили Тоҷикистон, Иттифоқи ҷавонони Тоҷикистон ва Ҳизби Халқии Демократии Тоҷикистон пешбаришударо ба  қайд гирифтааст.

Инчунин Рустам Раҳматзода номзад аз Ҳизби Ислоҳоти Иқтисодии Тоҷикистон ва Мироҷ Абдуллоев номзад аз Ҳизби Коммунистии Тоҷикистон сабт шудаанд, хабар дод “Ховар”.

Манбаъ таъкид кардааст, ки корҳои ташкилӣ барои гузаронидани интихоботи Президенти Ҷумҳурии Тоҷикистон идома доранд.

Барчаспҳо:
Эмомалӣ Раҳмон, интихобот, Тоҷикистон

Мавзӯъҳои асосӣ