05:57 27 октябри 2020
Пахши мустақим
  • USD10.34
  • EUR12.23
  • RUB0.13
Дар Тоҷикистон
Гирифтани линки кӯтоҳ
1344 0 0

Агентии обуҳавошиносии Тоҷикистон мегӯяд, барфи аввал дар манотиқи баландкӯҳ як ҳодисаи ғайримуқаррарӣ нест. Бархе деҳқонон ҳанӯз ҳосилашонро ҷамъ наовардаанд

ДУШАНБЕ, 10 окт — Sputnik. Ҷамила Байдуллоева, сардори Маркази обуҳавосанҷии Агентии обуҳавошиносӣ ба Sputnik Тоҷикистон гуфт, ин барф асосан дар манотиқи аз 3 ҳазор метр болои баландкӯҳ боридааст, ки маъмулан ҳатто дар охири моҳи август низ иттифоқ меафтад.

"Дар баландкуҳҳо ин як ҳодисаи ғайримуқаррарӣ нест, зеро барф фақат дар қуллаи куҳҳост. Масалан, дар шарқи Бадахшон ҳаво аз 5 то 7 дараҷа хунук шудааст. Дар дигар ҷойҳо шабона ҳарорат ба 0 баробар мешавад. Аммо барои минтақаҳои баландкӯҳе, назири Ҷиргатол, Рашт, водии Зарафшон, Дарвозу Шуғнон, ки дар 2 ҳазор метр баландтар аз сатҳи баҳр ҷойгиранд, ин як ҳодисаи ғайримуқаррарӣ аст”, - гуфт Ҷамила Байдуллоева.

Дар ҳамин ҳол, аксҳое, ки дар ихтиёри Sputnik Тоҷикистон гузошта шуданд, нишон медиҳанд, ки барф дар ин минтақа зиёд борида, ба қавли сокинон, бархе аз онҳо ҳатто натавонистаанд ҳосили картошкаву меваи худро ҷамъ оваранд.

  • Барфи аввал дар Тоҷикистон
    Барфи аввал дар Тоҷикистон
    Мазбут Холиқов, сокини деҳаи Овчии ноҳияи Деваштич
  • Барфи аавал дар ноҳияи Деваштич
    Барфи аавал дар ноҳияи Деваштич
    Мазбут Холиқов, сокини деҳаи Овчии ноҳияи Деваштич
  • Барфи аавал дар Тоҷикистон
    Барфи аавал дар Тоҷикистон
    Фото представлены Мазбутом Холиковым, жителем кишлака Овчи района Деваштич
  • Барфи аввали соли 2020 дар Тоҷикистон
    Барфи аввали соли 2020 дар Тоҷикистон
    Мазбут Холиқов, сокини деҳаи Овчии ноҳияи Деваштич
1 / 4
Мазбут Холиқов, сокини деҳаи Овчии ноҳияи Деваштич
Барфи аввал дар Тоҷикистон

Сардори Маркази обуҳавосанҷии Агентии обуҳавошиносӣ мегӯяд, ин минтақаи Тоҷикистон дар қарибии деҳаи Оббурдори ноҳияи Кӯҳистони Масчоҳ ҷойгир аст, ки сардтарин нуқтаи вилояти Суғд ба шумор меояд.

"Овчӣ низ ба Оббурдон наздик аст ва аз сатҳи баҳр 2 ҳазор метр баланд мебошад. Эҳтимол дорад дар ин минтақа ҳаво то 2 дараҷа хунук ё ба сифр баробар шавад”, - гуфт Ҷамила Байдуллоева.

Тибқи иттилои Агентии обуҳавошиносии Тоҷикистон, имрӯз дар аксари манотиқи кишвар, аз ҷумла водиҳо низ ҳаво боронӣ шуда, ҳарорати ҳаво дар бархе ҷойҳо ба 5 то 7 дараҷа гармӣ поён мешавад.

Барчаспҳо:
аввал, барф, Тоҷикистон

Мавзӯъҳои асосӣ