Мақомти Хатлон беш аз 3 ҳазор нафарро барои вайрон кардани қонуни замин ҷарима кардааст

© Sputnik / Стрингер / Гузариш ба медиабонкВспаханное поле, архивное фото
Вспаханное поле, архивное фото - Sputnik Тоҷикистон
Обуна шудан
Мақомоти вилояти Хатлон таъкид доштаанд, ки беш аз 3 ҳазор нафарро барои вайрон кардани қонуни замин ба маблағи наздик ба 1,5 миллион сомонӣ ҷарима карданд

ДУШАНБЕ, 12 окт — Sputnik. Ба нақл аз рӯзномаи “Фараж” кормандони Кумитаи идораи замини шаҳру ноҳияҳои вилояти Хатлон  3 ҳазору 111 нафаро барои вайрон кардани Кодекси ҳуқуқвайронкунии маъмурии  Тоҷикистон ба маблағи  наздик 1 миллиону 450 ҳазор сомонӣ  ҷарима карданд.

Подписание договора, архивное фото - Sputnik Тоҷикистон
Раҳмон гуфт, раисони шаҳру навоҳӣ чи қадар қарори ғайриқонунии тақсими замин баровардаанд

Ҳурматзода Фатҳулло, раиси Кумитаи идораи замини вилояти Хатлон гуфтаст, ки дар нуҳ моҳи соли равон аз тарафи нозирони давлатии истифода ва ҳифзи замини шаҳру ноҳияҳои вилоят 3 ҳазору 605 ҳолати вайронкунии қонунгузории заминро дар майдони 1926,12 гектар ошкор карданд.

Боздошти нозири тамаъҷӯй дар Панҷакент: аз соҳибкор 6000 сомонӣ гирифт

“Барои дар маҳал бартараф кардани ҳолатҳои вайронкунии қонунгузории замин 3605 дастур, 3111 адад протоколу қарор дар асоси Кодекси ҳуқуқвайронкунии маъмурии Ҷумҳурии Тоҷикистон қабул гардида, ба маблағи 1 миллиону 449 ҳазору 882 сомонӣ ҷарима баста шуд, ки ба суратҳисоби махсуси  Кумитаи идораи замини шаҳру ноҳияҳо 1 миллиону 210 ҳазору 929 сомонӣ ворид карда шудааст”, -зикр кардааст Фатҳулло.

Ҳамзамон манбаъ қайд кардааст, ки барои чораҷӯӣ ва таҳқиқи ҳуқуқӣ дар ин давра ба мақомоти прокуратура 239 маводи маъмурӣ пешниҳод карда шуда, барои маҷбуран ситонидани ҷаримаҳо 124 маводи маъмурӣ ба судҳои шаҳру ноҳияҳо пешниҳод карда шудааст.

Прокуратура нисбати маводи пешниҳодгардида тибқи қонунҳои амалкунанда чораҷуӣ карда шуда, дар маҳал 128 ҳолати қонунвайронкунии замин бартараф карда шудааст.

Лентаи хабарҳо
0