16:53 02 декабри 2020
Пахши мустақим
  • USD11.30
  • EUR13.54
  • RUB0.15
Дар Тоҷикистон
Гирифтани линки кӯтоҳ
435110

Раисҷумҳури Тоҷикистон дар идомаи таъиноти кадрӣ пас аз дубора интихоб гардиданаш ба мақоми раисҷумҳурӣ, се додварро барканор кардааст

ДУШАНБЕ, 5 ноя — Sputnik. Бино бар нусхаи фармоне, ки котиботи раисҷумҳур дар сомонаи президент нашр кардааст, раисҷумҳури Тоҷикистон Эмомалӣ Раҳмон имрӯз, 5 ноябр се судяро дар вилояти Суғд аз мақомашон барканор кардааст.

Дар як фармони раиси ҷумҳур номи се додгоҳи кишвар зикр мегардад, ки бо сабабҳои гуногун барканор шудаанд.

Ҳамин тавр, Турсунзода Бобоҷон Давлат бо сабаби расидан ба синни ниҳоии дар вазифаи судя будан аз вазифаи раиси суди ноҳияи Ашти вилояти Суғд озод шудааст.

"Саидзода Илҳом Ҳамид аз вазифаи раиси суди шаҳри Конибодоми вилояти Суғд, Раҳматулозода Беҳруз Раҳматуло аз вазифаи судяи суди шаҳри Конибодоми вилояти Суғд бо хоҳиши худашон озод карда шаванд", - гуфта мешавад дар банди дувуми фармони президент.

Ёдрас мешавем, пештар раисҷумҳур ҳукумати кишварро ба истеъфо равон карда, аъзои онро аз нав таъин карда буд.

Тағйирот дар ҳукумати Тоҷикистон: Сулаймон Зиёзода вазири кишоварзӣ таъин шуд

 

 

Мавзӯъҳои асосӣ