Бунёди нишони 22-метра дар маркази ноҳияи Айнӣ

© Flickr \ Хадамоти матбуоти Президенти ТоҷикистонГерб и флаг Таджикистана в Джабборском Расуловском районе
Герб и флаг Таджикистана в Джабборском Расуловском районе - Sputnik Тоҷикистон
Обуна шудан
Бахшида ба ҷашни 30-солагии Истиқлоли давлатии Тоҷикистон дар маркази ноҳияи Айнӣ сохтмони Нишон ва Парчами давлатӣ ҷараён дошта, дар назар аст то ҷашни байналмиллалии Наврӯз ба истифода дода шаванд

ДУШАНБЕ, 23 янв — Sputnik. Тибқи иттилои дафтари матбуоти мақомоти ноҳияи Айнӣ, майдони Нишон ва Парчам дар хиёбони Рӯдакӣ яъне маркази ноҳия бунёд гардида, атрофи он бо тарҳи хосса ороиш ёфта, барои истироҳату фароғати сокинон шароити зарурӣ фароҳам оварда мешавад.

Дар даромадгоҳи ноҳияи Айнӣ манораи 13-метра бунёд гардид - Sputnik Тоҷикистон
Бунёди манораи 13-метра дар даромадгоҳи ноҳияи Айнӣ

Манбаъ зикр кардааст, ки лоиҳаи сохтмони Нишон ва Парчами давлатиро Корхонаи воҳиди давлатии Лоиҳакаш дар вилояти Суғд тарҳрезӣ намуда, он аз ҷониби ширкати “Зарафшон сохтмон” бунёд карда мешавад.

“Ҳоло корҳои сохтмонӣ бо суръат ҷараён дошта, сохтмончиён сутунпояи Нишонро, ки 22 метр баландӣ дорад, бунёд намуданд”, - қайд кардааст манбаъ.

Саёҳати 10 сафири хориҷӣ дар "Саратоғ"-и Айнӣ: ба меҳмонон хӯроки милӣ пухтанд

Гуфта шудааст, ки ахиран раиси ноҳияи Айнӣ Муқим Муродзода аз ҷараёни сохтмони Парчами давлатии Тоҷикистон дидан намуда, ба бинокорон супориш дод, ки нисбат ба бунёди ин иншоот муносибати ҷиддӣ намуда, аз масолеҳи хушсифат истифода баранд.

Гуфта мешавад, ки Парчами давлатӣ бо баландии 47 метр бунёд мегардад.

Лентаи хабарҳо
0