20:17 04 марти 2021
Пахши мустақим
  • USD11.30
  • EUR13.61
  • RUB0.15
Дар Тоҷикистон
Гирифтани линки кӯтоҳ
211 0 0

Барои татбиқи Барномаи давлатии омӯзиш ва ҳифзи пиряхҳо дар Тоҷикистон барои солҳои 2010 - 2030 маҷмӯан 25 миллиону 367 ҳазор сомонӣ ҷудо шудааст

ДУШАНБЕ, 3 фев — Sputnik. Баҳодур Шерализода, раиси Кумитаи ҳифзи муҳити зисти Тоҷикистон, ахиран зимни нишасти матбуотӣ  таъкид дошт, ки дар доираи ин барнома соли 2014 Маркази омӯзиши пиряхҳо таъсис ёфт, ки айни замон пурра фаъолият мекунад.

“Мутахассисони марказ якчанд чорабиниҳоро, аз ҷумла омӯзиши пиряхи Федченко ва дигар пиряхҳои калонтарини кишварро ба нақша гирифтаанд”, - гуфт Шерализода.

Вай афзуд, ки айни замон ҳисоби дақиқи пиряхҳо сурат мегирад ва ҳолати онҳо омӯхта мешавад. Солҳои 2019 ва 2020 бо ин мақсад зиёда аз 20 экспедитсия ташкил карда шуд.

Бонки Осиёии Рушд (БОР) барои татбиқи лоиҳаи омӯзиши пиряхҳо ба Тоҷикистон дар ҳаҷми 10 миллион доллар грант ҷудо мекунад. Гранти мазкур дар доираи татбиқи лоиҳаи миллӣ оид ба мудирияти хатари офатҳои табиӣ ҷудо карда мешавад.

Ҳамин ки пиряхҳо дар ҷумҳурӣ муҳосиба ва ҳолати онҳо омӯхта шуд, Маркази илмии пиряхҳои Академияи миллии Тоҷикистон 12 ҷилд феҳрасти пиряхҳои Тоҷикистонро нашр мекунад.

Дар Тоҷикистон зиёда аз 8 ҳазор пиряхҳо мавҷуданд, ки тақрибан 8 дарсади масоҳати умумии кишварро ишғол мекунанд. Дар онҳо тақрибан 550 метри мукааб оби ошомиданӣ ҷамъ шудааст ва онҳо маҷрои тақрибан нисфи дарёҳои Тоҷикистонро ташкил медиҳанд.

Қайд карда шудааст, ки тибқи маълумоти охирин, аз 14 ҳазор пиряхҳои Тоҷикистон, ки барои тамоми минтақа аҳамияти ҳаётӣ доранд, дар тӯли 30 соли охир беш аз ҳазор пирях нобуд шудаанд.

Барчаспҳо:
омӯзиш, пул, пиряхи Федченко, пирях, Тоҷикистон

Мавзӯъҳои асосӣ