06:48 07 марти 2021
Пахши мустақим
  • USD11.30
  • EUR13.50
  • RUB0.15
Дар Тоҷикистон
Гирифтани линки кӯтоҳ
281 0 0

Холмурод Раҳмон Директори Агентии беҳдошти замин ва обёрии назди Ҳукумати Тоҷикистон гуфт, агентӣ аз "Барқи Тоҷик" чӣ қадар қарздор аст

ДУШАНБЕ, 9 фев — Sputnik. Директори Агентии беҳдошти замин ва обёрии назди Ҳукумати Тоҷикистон Холмурод Раҳмон зимни нишасти хабарӣ гуфт, идораҳои зертобеи Агентӣ аз қувваи барқи истифодашуда дар назди Ширкати "Барқи Тоҷик" 287,2 миллион сомонӣ қарздор мебошанд.

Аз ин миён, 77,2 млн сомонии онро қарзи соли 2020 ташкил медиҳад.

Ҷазои қариб 300 мансабдор: мақомдорони кадом ниҳодҳо заминфурӯшӣ кардаанд?

Сабабҳои асосии пайдоиш ва болоравии қарзи идораҳои давлатии беҳдошти замин ва обёрии шаҳру ноҳияҳо дар назди Ширкати "Барқи Тоҷик"-ро мавсуф ба паст будани тарифи ҳаққи хизмати обрасонӣ ва пайваста баланд гардидани тарифҳои неруи барқ рабт дод.

"Ҳоло Агентии беҳдошти замин ҳамчун мақоми ваколатдор оид ба танзим ва дастгирии ассотсиатсияҳои истифодабарандагони об дар ҳамкорӣ бо мақомоти шаҳру ноҳияҳои ҷумҳурӣ ҷиҳати устувор намудани фаъолияти ассотсиатсияҳои истифодабарандагони об корҳои фаҳмондадиҳӣ доир намуда истодааст",- гуфт Холмурод Раҳмон.

Ба зикри ӯ, имрӯз дар кишвар 339 адад ассотсиатсияҳои истифодабарандагони об фаъолият намуда, ба 379 ҳазор гектар ё ин ки тақрибан 50 фоизи заминҳои обёрии ҷумҳурӣ хизмат мерасонанд.

Барчаспҳо:
барқ, барқ, қарздорӣ, "Барқи тоҷик", Тоҷикистон

Мавзӯъҳои асосӣ