12:31 02 марти 2021
Пахши мустақим
  • USD11.30
  • EUR13.62
  • RUB0.15
Дар Тоҷикистон
Гирифтани линки кӯтоҳ
557 0 0

Тибқи иттилои Агентии омори Тоҷикистон дар Вилояти Мухтори Кӯҳистони Бадахшон таваллуд нисбат ба ҳамин давраи соли гузашта 2,9 дарсад кам шуда шумори нафарони фавтида 26,0 дарсад афзоиш ёфтааст

ДУШАНБЕ, 18 фев— Sputnik. Тибқи иттилои Агентии Омори Тоҷикистон иттилоъ додааст, ки дар моҳҳои январ-декабри соли 2020 мақомоти сабти асноди ҳолати шаҳрвандӣ 239,7 ҳазор кӯдакони навзоди дар муҳлатҳои дар асоси қонун муайян кардашуда ва 41,7 ҳазор шахсони фавтида аз он ҷумла 2,2 ҳазор кӯдакони синни то 1 сола фавтидаро ба қайд гирифтанд.

Агентии омор таъкид доштааст, ки дар моҳҳои январ-декабри соли 2020 нисбат ба ҳамин давраи соли 2019 дар ҷумҳурӣ бақайдгирии таваллуд 3,8 дарсад зиёд шудааст.

Дар ҳамин ҳол, манбаъ қайд кардааст, ки зиёдшавии бақайдгирии таваллуд дар ҳамаи минтақаҳо мушоҳида шудааст, ба ғайр аз ВМКБ.

Дар вилояти Хатлон зиёдшавии бақайдгирии таваллуд 4,3%, дар вилояти Суғд 2,1%, Ноҳияҳои тобеъи ҷумҳурӣ 5,1% дар шаҳри Душанбе 4,4% ташкил намудааст.

Дар ВМКБ бақайдгирии таваллуд нисбат ба ҳамин давраи соли гузашта 2,9% кам шуда, ҳамагӣ 4,0 ҳазор кӯдаки навзодро ташкил намудааст.

Ҳамзамон гуфта шудааст, ки бақайдгирии шахсони фавтида дар моҳҳои январ – декари соли 2020 нисбат ба ҳамин давраи соли 2019 26,1% зиёд шуда, 41,7 ҳазор нафарро ташкил дод.

Агентии омор зикр кардааст, ки зиёдшавии бақайдгирии шахсони фавтида дар ҳамаи минтақаҳои Тоҷикистон мушоҳида шудааст.

Дар вилояти Суғд бақайдгириии шахсони фавтида 24,8%, дар вилояти Хатлон 24,9%, Душанбе  38,1 ва дар ноҳияҳои тобеи ҷумҳурӣ 25,7%.

Инчунин агентии омор таъкид доштааст, ки дар ВМКБ бақайдгирии шахсони фавтида 26,0% зафзоиш ёфтааст.

Барчаспҳо:
афзоиш, омор, Агентии омори Тоҷикистон, марг, таваллуд, ВМКБ, Тоҷикистон

Мавзӯъҳои асосӣ