17:27 22 октябри 2019
Пахши мустақим
  • USD9.70
  • EUR10.83
  • RUB0.15
Духовный лидер Ирана аятолла Сейед Али Хаменеи. Архивное фото.

Валиаҳди Арабистони Саудӣ раҳбари Эронро "Гитлер" номид

© Sputnik / Сергей Гунеев
Осиё
Гирифтани линки кӯтоҳ
27101

Валиаҳди Арабистони Саудӣ Муҳаммад ибни Салмон раҳбари Ҷумҳурии Исломии Эрон оятуллоҳ Алӣ Хоманаиро "Гитлери наве дар Ховари Миёна" номид

ДУШАНБЕ, 24 ноя — Sputnik. Ба гузориши Sputnik Эрон, Муҳаммад ибни Салмон дар мусоҳиба бо рӯзномаи "New York Times" гуфтааст:

"Мо бо таваҷҷуҳ ба намунаи Урупо медонем, ки сиёсати ором кардан муассир набудааст. Мо намехоҳем, ки Гитлери нав дар Эрон иттифоқоти рухдода дар Урупоро такрор кунад".

Валиаҳди Арабистони Саудӣ пеш аз ин Эронро муттаҳам ба таҳвили мушак ба нерӯҳои ҳусӣ дар Яман ва ба ин васила "таҷовузи низомии мустақим ба Арабистон" карда буд.

Теҳрон даст доштанаш дар ҳамлаи мушакии нерӯҳои ҳусӣ бар Арабистонро инкор мекунад ва аз худ хештандорӣ нишон медиҳад.

Чунончи, фармондеҳи кулли Сипоҳи посдорони Инқилоби исломӣ Муҳаммадалӣ Ҷаъфарӣ гуфта, ки Эрон дар баробари рӯйкарди душманонаи Арабистони Саудӣ ҳамчунон ба хештандорӣ идома медиҳад, "зеро намехоҳад вориди муқобилаи мустақим бо саудиҳо шавад".

"Аммо ба онҳо тавсия мекунем даст аз ин корҳо бардоранд, зеро бо қарор гирифтан дар ҷабҳаи муқобили Эрон пайомади иқдомоташонро хоҳанд дид", — таъкид кардааст вай.

Ҷаъфарӣ ҳамчунин афзуда, ки ҳокимияти ДОИШ дар минтақа нобуд шудааст, аммо аъзои он ба сурати гурӯҳҳои чирикӣ ва зерзаминӣ дар кишварҳои мухталиф, аз ҷумла Афғонистон ҳузур доранд, аз ин рӯ, муқобила бо тавтеаҳои онҳо дар дастури кори Сипоҳи посдорон қарор дорад.

Мавзуъ

Боздошти ёздаҳ шоҳзода ба иттиҳоми фасод дар Арабистони Саудӣ
Додситонҳои кулли Тоҷикистон ва Арабистони Саудӣ масоили ҳамкории ду кишварро баррасӣ карданд
Сафири Тоҷикистон бо шаҳзодаҳои саудӣ дидор кард
Подшоҳи саудӣ хостори наздикии бозорҳои нафти Русияву Арабистон шуд
Шаҳрванди Тоҷикистон аз ғуломӣ дар Арабистони Саудӣ озод шуд
Сафари таърихӣ: шоҳи Арабистони Саудӣ аз Маскав боздид мекунад
Барчаспҳо:
Ҳитлер, Алӣ Хоманаӣ, Муҳаммад ибни Салмон, Ховари Миёна-Арабистон-Эрон

Мавзӯъҳои асосӣ