То 4 соат тафтиш: назорати шадиди худравҳои сокинони Тоҷикистон дар марзи Узбакистон

© Sputnik Пограничный пост, архивное фото
Пограничный пост, архивное фото - Sputnik Тоҷикистон
Обуна шудан
Мошинҳои шаҳрвандони Тоҷикистон ҳангоми убури марз дуру дароз ва ҷиддӣ тафтиш мешаванд

ДУШАНБЕ, 22 мая — Sputnik. Дар марзи Тоҷикистону Узбакистон мошинҳои шаҳрвандони Тоҷикистонро зери назорати шадид қарор медиҳанд ва дурудароз тафтиш мекунанд, хабар медиҳад "Тоҷикистон таймс".

Заключенные в тюрьме, архивное фото - Sputnik Тоҷикистон
Як бор ҷастӣ малахак: Шералӣ Табаров дар Русия ба ҳабси абад маҳкум шуд

Бино ба хабарҳое, ки аз минтақаи гумрукии Панҷакенти Тоҷикистон ва Самарқанди Ӯзбекистон расидааст, мошинҳои сабукрави Тоҷикистон ҳангоми убур аз марз дуру дароз ва ҷиддӣ тафтиш мешаванд, менависад манбаъ.

Ба иттилои вебгоҳ, мошинҳои Тоҷикистонро ҳангоми бори аввал ба хоки Узбакистон ворид шудан, аз 3 то 4 соат тафтиш мекунанд.

"Эҳтимол далели сахт шудани тафтиши мошинҳои Тоҷикистон дар марз ба ҳодисаи ошкор шудани интиқоли маводи мухаддир дар гузаргоҳи Ойбек дар марзи Тоҷикистону Узбакистон рабт дошта бошад", - менависад манбаъ.

Ронандаҳои тоҷик гуфтаанд, ки ҳангоми убур аз марз кормандони ниҳодҳои гумрукии Узбакистон онҳоро ба боз кардани балонҳои газ, чархҳои мошин ва чархҳои эҳтиётӣ водор мекунанд.

"Кормандони гумрук ҳадаф аз ин иқдоми сахтгиронаро навъи талош барои ҷилавгирӣ аз интиқоли маводи мухаддир аз Тоҷикистон ба Узбакистон унвон кардаанд", - тавзеҳ медиҳад вебгоҳ.

Молоток судьи в зале суда - Sputnik Тоҷикистон
Собиқ роҳбари гумруки Узбакистон барои дуздӣ 3,5 сол зиндон шуд

Ронандагон мегӯянд, ки роҳи ҳалли ин мушкил насби асбобҳои замонавӣ барои назорати интиқоли маводи мухаддир дар гузаргоҳҳои марзӣ мебошад, ки тафтиши мошинҳо зуд ва бидуни асабоният анҷом мешавад.

Дар ҳамин ҳол, бархе аз сокинони шаҳри Панҷакент ба сомонаи Tajikistantimes гуфтанд, ки дар вақтҳои ахир кормандони гумруки Тоҷикистон ба сокинони Панҷакент иҷоза намедиҳанд, ки аз шаҳри Самарқанд маводи ғизоӣ ва мева ворид кунанд.

Қаблан сокинони Панҷакент аз бозори маъруфи Ургут дар наздикии сарҳади Тоҷикистону Ӯзбекистон бо нархи аз Тоҷикистон хеле поинтар маводи ғизоӣ харидорӣ карда ва бидуни мушкил ба Панҷакент меоварданд.

Лентаи хабарҳо
0