ДУШАНБЕ, 15 ноя — Sputnik. Мубодилаи маҳбусон миёни намояндагони Созмони мамнӯи Толибон ва ҳукумати Афғонистон ба таъхир гузошта шуд, иттилоъ медиҳад сомонаи РИА Новости бо такя ба маълумоти намояндаи Толибон Забиуллоҳ Муҷоҳид.
Ба иттилои манбаъ, маҳбусинро бояд ба Қатар меоварданд ва дар он ҷо додугирифти зиндониён сурат мегирифт.
Сесад ҷангии ДОИШ дар Афғонистон ба мақомоти амниятӣ таслим шудаанд
Аммо ба иллати он ки, мақомоти афғон се маҳбуси толибонро ба макони лозимӣ интиқол надоданд, аз ин рӯ мубодила анҷом наёфт, гуфта мешавад дар хабар.
Манбаъ меафзояд, чун мубодилаи маҳбусон сурат нагирифт, аз ин рӯ онҳоро бозпас ба зиндони "Багром" - и Афғонистон таҳвил доданд.
Қаблан раисҷумҳури Афғонистон Ашраф Ғанӣ тасмими аз маҳбасхона озод намудани се ҷангии Толибон - Анас Ҳаққонӣ, Абдулло Рашид ва Малӣ Кана бар ивази ду омӯзгори хориҷӣ, ки Толибон онҳоро ба гарав гирифта буданд, хабар дода буд.
Таркиш дар наздикии Вазорати корҳои хориҷаи Афғонистон: 7 кушта 19 захмӣ
Толибон ҳанӯз соли 2016 як шаҳрванди Амрико профессор Кевин Кинг ва як шаҳрванди Австралия Тимоти Уикс, ки дар донишгоҳи амрикоӣ дар Афғонистон дарс мегуфтанд, гаравгон гирифта буданд.
