Врачи - Sputnik Тоҷикистон
Коронавирус дар Русия ва ҷаҳон: охирин хабару гузоришҳо
Созмони ҷаҳонии беҳдошт моҳи марти соли 2020 пандемияи коронавирус эълон кард

Занеро дар Тошканд пас аз панҷум муроҷиат аз ташхиси коронавирус гузарониданд

© Sputnik / Илья Наймушин / Гузариш ба медиабонкТест-системы для диагностики нового коронавируса
Тест-системы для диагностики нового коронавируса  - Sputnik Тоҷикистон
Обуна шудан
Ин зан панҷ маротиба бо ҳарорати баланди бадан ба пизишкон муроҷиат кардааст ва танҳо пас аз бад шудани авзояш ӯро аз ташхиси коронавирус гузаронидаанд

ДУШАНБЕ, 16 апр – Sputnik. Зане дар Тошканд бо нишонаҳои коронавирус чандин бор ба беморхона рафтааст, вале ҳар бор бо кумаки аввалия ӯро рухсат додаанд. 

Девочка в маске, архивное фото - Sputnik Тоҷикистон
Аз ҳазор нафар гузашт: афзоиши босуръати гирифторони коронавирус дар Ӯзбекистон

Ба нақли Содиқҷон Бердиалиев сардори Идораи назорати иҷрои қонунгузорӣ дар Прокуратураи генералӣ, ин зан аз 19 март то 4 апрел дар давоми 16 рӯз бо таби баланд ва хастагӣ чор бор ба беморхонаи оилавии рақами 51-и ноҳияи Юнусобод ва чанд бор ба беморхонаи шаҳрии рақами 7 муроҷиат кардааст.

Ва танҳо пас аз он, ки вазъи саломатии ӯ вазнин шудааст ва ӯ бори панҷум ба духтурон муроҷиат кардааст, ӯро аз ташхиси коронавирус гузаронидаанд.

Дар натиҷа таҳлили ташхис мусбат баромад. Дар ҳамин ҳол 30 нафари дигар, ки бо зани бемор алоқа доштаанд зери карантин қарор дода шуданд.

"Муттассифона ҳолатҳои хунукназарӣ ва беаҳамиятӣ низ дучор мешавад", - қайд кард Бердиалиев.

Ёдрас мешавем, ки то рӯзи 16 апрел дар Ӯзбекистон 1302 кас гирифтори коронавирус шудааст.

Оғоз аз 6 апрел дар саросари кишвар ҳолати хонашинӣ роҳандозӣ шуд. Одамони аз 60 сола боло ҳаққи баромадан ба берунро надоранд.

Дар баробари ин ҳукумати кишвар барои пешгирии паҳншавии коронавирус ният дорад карантинро тамдид кунад.

Лентаи хабарҳо
0