ДУШАНБЕ, 18 апр – Sputnik. Ато Муҳаммад Нур таъкид дошт, ки дар раванди музокироти сулҳ бо Толибон қарор буд шахсиятҳои раддияи аввали ин кишвар иштирок мекарданд.
Вай афзуд, ҷунбиши "Толибон" бояд дарк кунанд, ки давоми ҷанг, хунрезӣ, қатл ва инсон куштан роҳи ҳал нест.
“Толибон бояд зери мизи музокира бинишинанд, тафоҳум кунанд ва бо диолог роҳи ҳаллро пайдо кунанд ва ба ҷанг нуқтаи поён гузоранд, то миллати Афғонистон нафаси роҳат бикашад”, гуфт генерал Ато Муҳаммад Нур.
Вай ҳамчунин аз нақши писараш дар ин музокирот таъкид кард ва гуфт, Холид Нур дар музокира бо Толибон таҷрибаи зиёде дорад.
“Ӯ дар музокраҳо бо Толибон дар шаҳри Маскав ва Доҳа иштирок дошт. Ин интихоби ҳукумат аст ва мо онро ҳам рад накардем”, гуфт ӯ.
Вай афзуд: “мо агар дирӯз қаҳрамони ҷанг будем, имрӯз хуб аст фарзандони мо қаҳрамони сулҳ бошанд”.
Ҳамчунин ӯ дар ин мусоҳиба ба чандин масоили дигар аз ҷумла таҳсилаш дар донишгоҳи Тоҷикистон ва аҳли хонаводаву макони зисти онҳо суҳбат кард.
Вай инчунин, дар ин мусоҳибаи зерин дар бораи ояндаи Афғонистон ва вазъи сиёсӣ ва дигар масоили мубрами ин кишвар ибрози назар кард.
